Kohli on the Verge of History in IPL 2026: آئی پی ایل 2026 میں کوہلی تاریخ کے دہانے پر، ڈی سی بمقابلہ آر سی بی میچ میں بنگلورو نے ٹاس جیت کر پہلے بولنگ کا کیا فیصلہ

آئی پی ایل 2026 کا 39واں مقابلہ دہلی کے ارون جیٹلی اسٹیڈیم میں کھیلا جا رہا ہے۔ یہ میچ دہلی کیپیٹلز اور رائل چیلنجرز بنگلورو کے درمیان ہے۔ بنگلورو کے کپتان رجت پاٹیدار نے ٹاس جیت کر پہلے بولنگ کرنے کا فیصلہ کیا ہے، جبکہ دہلی کو پہلے بیٹنگ کی دعوت دی گئی ہے۔ اس میچ میں بنگلورو نے کوئی تبدیلی نہیں کی، تاہم دہلی کیپیٹلز نے اپنی ٹیم میں تین بڑی تبدیلیاں کی ہیں۔

دونوں ٹیموں کا ہیڈ ٹو ہیڈ ریکارڈ (DC vs RCB)

دہلی کیپیٹلز اور رائل چیلنجرز بنگلورو کے درمیان اب تک 34 میچز کھیلے گئے ہیں۔ ان میں بنگلورو نے 20 میچ جیتے ہیں جبکہ دہلی نے 13 میچز میں کامیابی حاصل کی ہے۔ ایک میچ بغیر کسی نتیجے کے ختم ہوا۔ اس سیزن میں دونوں ٹیمیں دوسری بار آمنے سامنے ہیں۔ اس سے پہلے کھیلے گئے میچ میں، جو بنگلورو کے ایم چناسوامی اسٹیڈیم میں ہوا تھا، دہلی نے 6 وکٹوں سے کامیابی حاصل کی تھی۔

کیا کوہلی تاریخ رقم کریں گے؟

اس میچ میں دونوں ٹیموں کے دو فارم میں موجود بیٹرز پر سب کی نظریں ہوں گی۔ آر سی بی کی جانب سے وراٹ کوہلی شاندار فارم میں ہیں جبکہ دہلی کو امید ہے کہ کے ایل راہل اہم کردار ادا کریں گے۔اس میچ میں کوہلی کے پاس ایک بڑا ریکارڈ بنانے کا موقع ہے۔ انہیں آئی پی ایل میں 9000 رنز مکمل کرنے والے پہلے کھلاڑی بننے کے لیے صرف 11 رنز درکار ہیں۔ اس اسٹیڈیم میں ان کا ریکارڈ بھی بہترین رہا ہے، جہاں انہوں نے 11 اننگز میں 66.8 کی اوسط سے رنز بنائے ہیں اور 7 نصف سنچریاں اسکور کی ہیں۔

دونوں ٹیموں کی پلیئنگ الیون

آر سی بی: وراٹ کوہلی، دیودت پڈیکل، رجت پاٹیدار (کپتان)، جیتیش شرما (وکٹ کیپر)، ٹم ڈیوڈ، روماریو شیفرڈ، کرنل پانڈیا، بھونیشور کمار، جوش ہیزل ووڈ، سُیَش شرما، رسِک سلام ڈار۔

ڈی سی: ساحل پارکھ، کے ایل راہل (وکٹ کیپر)، نتیش رانا، سمیر رضوی، ٹرسٹن اسٹبز، ڈیوڈ ملر، اکشر پٹیل (کپتان)، دشمنتھا چمیرا، کائل جیمی سن، کلدیپ یادو، ٹی نٹراجن۔

بھارت ایکسپریس اردو۔