اسپورٹس

Shardul Thakur Join Mumbai Indians : آئی پی ایل 2026: شاردل ٹھاکر نے لکھنؤ سپر جائنٹس کا چھوڑا ساتھ، ممبئی انڈینس میں ہوئے شامل

ممبئی: بھارتی آل راؤنڈر شاردل ٹھاکر نے انڈین پریمیئر لیگ (آئی پی ایل) 2026 سیزن سے قبل ممبئی انڈینس (ایم آئی) کا حصہ بننے کا اعلان کر دیا ہے۔ ممبئی انڈینس نے منگل کو اپنے سوشل میڈیا اکاؤنٹس پر شاردل کے ٹیم میں شامل ہونے کی باضابطہ تصدیق کی۔ یہ فیصلہ رٹینشن لسٹ جاری ہونے سے عین قبل سامنے آیا، جب ممبئی انڈینس نے لکھنؤ سپر جائنٹس (ایل ایس جی) کے ساتھ ٹریڈ کے ذریعے شاردل کو حاصل کیا۔ دلچسپ بات یہ ہے کہ 2015 سے آئی پی ایل کھیل رہے شاردل پہلی بار اپنی گھریلو ریاست مہاراشٹر کی نمائندہ فرنچائز ممبئی انڈینز کے لیے میدان میں اتریں گے۔ شاردل ممبئی کی جانب سے رنجی ٹرافی میں مستقل طور پر کھیلتے ہیں اور 2025-26 سیزن کے لیے ٹیم کے کپتان بھی مقرر کیے گئے ہیں۔

آئی پی ایل 2025 کے میگا آکشن میں شاردل ٹھاکر کسی بھی ٹیم کے ہاتھ نہیں لگے تھے، تاہم سیزن کے آغاز سے قبل لکھنؤ سپر جائنٹس نے انہیں سائن کر کے اپنے اسکواڈ میں شامل کیا۔ شاردل نے پچھلے سیزن میں شاندار بولنگ کا مظاہرہ کیا تھا، جہاں انہوں نے 10 میچوں میں 13 وکٹیں حاصل کیں۔ خاص طور پر ابتدائی مقابلوں میں ان کی کارکردگی نے ٹیم کی فتوحات میں اہم کردار ادا کیا۔

شاردل اس سے قبل کنگز الیون پنجاب، رائزنگ پونے سپرجائنٹس، دہلی کیپیٹلز اور کولکاتا نائٹ رائیڈرز (کے کے آر) جیسی فرنچائزز کے لیے بھی کھیل چکے ہیں۔ وہ نچلے آرڈر میں ایک جارحانہ بیٹسمین کے طور پر جانے جاتے ہیں، اگرچہ انہیں اکثر بیٹنگ کے زیادہ مواقع نہیں ملے۔ بولنگ کے شعبے میں ان کی کارکردگی خاصی متاثر کن رہی ہے، وہ اب تک 105 آئی پی ایل میچوں میں 107 وکٹیں حاصل کر چکے ہیں۔

کبھی شاردل ٹھاکر کو ہاردک پانڈیا کا متبادل مانا جاتا تھا، لیکن وقت کے ساتھ ہاردک نے خود کو بھارت کی ون ڈے اور ٹی20 ٹیم کا مستقل رکن ثابت کیا اور آئی پی ایل میں بطور کپتان نمایاں مقام حاصل کیا۔ دوسری جانب، شاردل کا بین الاقوامی کیریئر اتار چڑھاؤ کا شکار رہا ہے۔ ماہرین کے مطابق شاردل کے ممبئی انڈینز سے جڑنے سے ٹیم کی بولنگ لائن مضبوط ہوگی اور نچلے آرڈر کی بیٹنگ میں گہرائی پیدا ہوگی۔ ساتھ ہی یہ موقع شاردل کے آئی پی ایل کیریئر کے لیے نئی سمت بھی فراہم کر سکتا ہے، خاص طور پر اس وقت جب وہ قومی ٹیم میں واپسی کی جدوجہد کر رہے ہیں۔

بھارت ایکسپریس اردو

Sibghatullah

Recent Posts

Tragic Incident in Karur: تمل ناڈو میں دردناک واقعہ، ایک ہی خاندان کے 5 افراد کی لاشیں کنویں سے برآمد، علاقے میں سنسنی

واقعے کی اطلاع ملتے ہی مقامی لوگوں کی بھیڑ موقع پر جمع ہوگئی۔ پولیس نے…

26 minutes ago

Amit Shah to Inaugurate Two-Day Counter-Terrorism Conference: مرکزی وزیر داخلہ امت شاہ آج دو روزہ ’انسدادِ دہشت گردی کانفرنس‘ کا کریں گے افتتاح

کانفرنس کے مختلف اجلاسوں میں کئی اہم موضوعات پر توجہ مرکوز کی جائے گی۔ ان…

1 hour ago

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

10 hours ago