IPL 2026: آئی پی ایل 2026: ایم آئی اور ایل ایس جی کا ہیڈ ٹو ہیڈ، کس کے نام ہو سکتی ہے آج کی بازی؟

پیر کو ممبئی انڈینز (MI) اور لکھنؤ سپر جائنٹس (LSG) کے درمیان ٹکراؤ دیکھنے کو ملے گا۔دونوں ٹیموں کے ہیڈ ٹو ہیڈ ریکارڈ کی بات کریں تو ایم آئی نے 9 میں سے 2 میچ جیتے ہیں اور 7 میں شکست کا سامنا کیا ہے۔ جبکہ لکھنؤ سپر جائنٹس نے 8 میں سے 6 میچ جیتے ہیں اور 2 میں ہار کا سامنا کیا ہے۔

دونوں ٹیموں کے درمیان کتنے میچ کھیلے جا چکے ہیں؟

اب تک دونوں ٹیموں کے درمیان 8 میچ کھیلے جا چکے ہیں، جن میں سے 6 میچز میں LSG کو کامیابی ملی ہے۔ پوائنٹس ٹیبل کی بات کی جائے تو دونوں ٹیمیں فی الحال نچلے حصے میں موجود ہیں، LSG دسویں اور MI نویں پوزیشن پر ہے۔ تاہم MI کے خلاف LSG کا پلڑا زیادہ بھاری رہا ہے۔ لکھنؤ کو آخری شکست کولکاتا نائٹ رائیڈرز کے خلاف سپر اوور میں ملی تھی۔

محسن خان کی شاندار بولنگ بھی کام نہ آ سکی

کپتان رشبھ پنت کی قیادت میں LSG کو بیٹنگ میں مسلسل ناکامیوں کا سامنا رہا ہے، جبکہ ان کے بولرز نے بہتر کارکردگی دکھائی ہے۔ پچھلے میچ میں محسن خان کی شاندار بولنگ بھی کام نہ آ سکی، جبکہ نکولس پورن سے جڑے ایک متنازع سپر اوور فیصلے نے ٹیم کو نقصان پہنچایا۔

ممبئی انڈینز کی کارکردگی

دوسری جانب ممبئی انڈینز کی کارکردگی جسپریت بمراہ، سوریا کمار یادو، تلک ورما اور کپتان ہاردک پانڈیا کی غیر مستقل فارم کی وجہ سے متاثر ہوئی ہے۔ ہاردک کی کپتانی پر بھی سوالات اٹھ رہے ہیں۔ روہت شرما کی ہیمسٹرنگ انجری کے باعث غیر موجودگی نے ٹیم کو مزید کمزور کر دیا ہے۔

آج کا میچ دونوں ٹیموں کے لیے بہت اہم ہے کیونکہ اس سیزن میں کسی ایک ٹیم کا سفر یہیں ختم ہو سکتا ہے۔ ہار جیت کا فیصلہ کرے گا کہ MI یا LSG میں سے کون آگے بڑھتا ہے اور کون ٹورنامنٹ سے باہر ہوتا ہے۔

ممکنہ الیونز:

LSG: مچل مارش، ایڈن مارکرم، رشبھ پنت (کپتان و وکٹ کیپر)، جوش انگلس، نکولس پورن، آیوش بدونی، مکُل چودھری، محمد شمی، محسن خان، پرنس یادو، منیمارن سدھارتھ/جارج لنڈے

MI: ول جیکس، ریان ریکلٹن (وکٹ کیپر)، سوریا کمار یادو، تلک ورما، نمَن دھیر، ہاردک پانڈیا (کپتان)، رابن منج، کوربن بوش، اللہ غزنفر، جسپریت بمراہ، اشونی کمار اور امپیکٹ پلیئر رگھو شرما

بھارت ایکسپریس اردو۔