IPL was watched more than 1300 Crore times on Jio Cinema: جیو سنیما کا شاندار کارنامہ، آئی پی ایل کو جیو سنیما پر 1300 کروڑ سے زیادہ بار دیکھا گیا

نئی دہلی: انڈین پریمیئرلیگ (آئی پی ایل) کے موجودہ سیزن کے پہلے پانچ ہفتوں میں، دلکش ٹی-20 ٹورنامنٹ کو اپنے ڈیجیٹل اسٹریمنگ پارٹنرجیو سنیما کی ایپ پر 13 بلین سے زیادہ بار دیکھا گیا۔ اس مدت کے دوران، جیوسنیما ایپ پرفی ناظرین دیکھنے کا اوسط وقت 60 منٹ تک پہنچ گیا۔ اس دوران جیو سنیما پر پانچ دنوں میں دو بارسب سے زیادہ ناظرین کا آئی پی ایل ریکارڈ بھی ٹوٹ گیا۔ 12 اپریل کو چنئی سپرکنگس اورراجستھان رائلس کے درمیان میچ کے دوران، ایک ہی وقت میں  جیوسنیما ایپ پراس میچ کو دیکھنے والوں کی سب سے زیادہ تعداد 22.3 ملین تھی۔
اپنے پانچویں دن کے دوران، چنئی سپرکنگس اوررائل چیلنجرس بنگلور کے درمیان میچ 24 ملین ناظرین کے اعداد و شمار کو چھونے میں کامیاب رہا، جس نے سابقہ ریکارڈ توڑ دیا۔ وائیکوم کے سی ای اوانیل جیاراج نے کہا، “جیو سنیما ہر گزرتے ہفتے کے ساتھ مضبوطی سے بڑھتا جا رہا ہے اور یہ اس لئے ممکن ہوا ہے کیونکہ ناظرین نے ٹاٹا آئی پی ایل 2023 دیکھنے کے لئے ڈیجیٹل پلیٹ فارم کواپنا پہلا انتخاب بنایا ہے۔
انیل جیاراج نے  مزیدکہا،جیو سنیما ہر گزرتے ہفتے کے ساتھ مضبوط تر ہوتا جا رہا ہے۔ اور یہ اس لئے ممکن ہوا ہے کہ صارفین نے ٹاٹا آئی پی ایل 2023 دیکھنے کے لیے ڈیجیٹل پلیٹ فارم کو اپنا پہلا انتخاب بنایا ہے۔ بہترین کرکٹ ایکشن اور ہمارے مضبوط پلیٹ فارم کے امتزاج نے ثابت کیا کہ شاندارافتتاحی ویک اینڈ آنے والی بڑی چیزوں کا محض آغاز تھا۔ ہم اپنے تمام اسپانسرز، مشتہرین اورشراکت داروں کا شکریہ ادا کرنا چاہیں گے کہ انہوں نے ہم پر جو اعتماد کیا ہے، ہم ہرمداح کے لیے ٹاٹا آئی پی ایل دیکھنے کے تجربے کو بڑھاتے رہتے ہیں۔
جیو سنیماپر سائن اپ کرنے والے مشتہرین کی تعداد بھی ایک نیا ریکارڈ ہے۔ نیز، اس مدت کے دوران بک کی گئی آمدنی بھی گزشتہ سال کے مقابلے میں ریکارڈ سطح پرپہنچ گئی ہے۔ اس سے ڈیجیٹل بینڈ ویگن میں شامل ہونے والے برانڈزکی فہرست میں اضافہ ہونے کی امید ہے۔  جیو سنیما کے پاس  ٹاٹا آئی پی ایل 2023 کی ڈیجیٹل اسٹریمنگ کے لیے 26 سرفہرست برانڈزہیں۔ ان میں ڈریم 11، جیو  مارٹ، فون پے، ٹیاگو ای وی، ایپی  فیز، ای ٹی منی، ٹی وی ایس کیسٹرول، اوریو، بنگو، اسٹنگ، ایزیو، ہایئر، روپے، لوئس فلپ جینز، ایمیزون، ریپیڈو، الٹرا ٹیک سیمنٹ، پوما، کملا پاسند، کنگ فشر پاورسوڈا، جندال پینتھر ٹی ایم ٹی ریبار، سعودی ٹورازم، اسپاٹائف اوراے ایم ایف آئی وغیرہ  شامل ہیں۔