بھارت نے ایک بار پھر توڑ اپاکستان کا ریکارڈ ،سوریہ کمار یادو کی کپتانی میں رقم کی تاریخ
بھارتی ٹیم نے تیسرے ٹی ٹوئنٹی میچ میں بنگلہ دیش کو 133 رنز سے شکست دی۔ اس کے ساتھ ہی ٹیم انڈیا نے سیریز میں 3-0 سے کلین سویپ کیا۔ تیسرے ٹی ٹوئنٹی میچ میں سنجو سیمسن نے سنچری اور سوریہ کمار یادو نے شاندار نصف سنچری اسکور کی۔ ہاردک پانڈیا نے بھی طوفانی اننگز کھیلی۔ ان کھلاڑیوں کے سامنے بنگلہ دیشی گیند باز ٹھہر نہ سکے۔ ان کھلاڑیوں نے میدان میں رنز کی بارش کی۔ حیدرآباد کے گراؤنڈ پر رنز کا وہ طوفان آیا جو 297 پر ختم ہوا۔ ٹیم انڈیا نے T20I میں اپنا بہترین اسکور بنایا۔ اس کے علاوہ بھی کئی ریکارڈز بنائے۔ بلے بازوں کے بعد روی بشنوئی نے بولنگ میں تہلکہ مچا دیا اور بنگلہ دیش کو تین وکٹیں حاصل کر کے میچ ہارنے پر مجبور کر دیا۔
ٹیم انڈیا نے سال 2022 میں 28 میچ جیتے تھے
T20I کرکٹ میں ایک کیلنڈر سال میں سب سے زیادہ میچ جیتنے کا ریکارڈ یوگنڈا کی ٹیم کے پاس ہے۔ یوگنڈا نے سال 2023 میں T20I میں کل 29 میچ جیتے تھے۔ ٹیم انڈیا نے سال 2022 میں 28 میچ جیتے تھے۔ اس سال بھی ہندوستانی ٹیم اچھی کارکردگی دکھا رہی ہے اور ایک کے بعد ایک نئے ریکارڈ بنا رہی ہے۔ ٹیم انڈیا نے روہت شرما کی کپتانی میں جون میں T20 ورلڈ کپ 2024 کا خطاب جیتا تھا اور اس دوران ہندوستانی ٹیم ایک بھی میچ نہیں ہاری تھی۔
2024 میں ٹیم انڈیا نے اب تک کل 21 T20I میچ جیتے ہیں
سال 2024 میں ٹیم انڈیا نے اب تک کل 21 T20I میچ جیتے ہیں اور T20 انٹرنیشنل کرکٹ کے ایک کیلنڈر سال میں سب سے زیادہ میچ جیتنے کے معاملے میں پاکستان کو پیچھے چھوڑ دیا ہے۔ پاکستان نے سال 2021 میں ٹی ٹوئنٹی انٹرنیشنل کرکٹ میں کل 20 میچ جیتے تھے۔ ہندوستانی ٹیم کو اس سال جنوبی افریقہ کے خلاف ابھی چار T20I میچز کھیلنے ہیں، اگر ٹیم تمام میچ جیت بھی لیتی ہے تو بھی وہ یوگنڈا کا عالمی ریکارڈ نہیں توڑ سکے گی۔
سنجو سیمسن نے طوفانی سنچری اسکور کی
سنجو سیمسن نے بنگلہ دیش کے خلاف میچ میں طوفانی سنچری اسکور کی۔ سیمسن نے صرف 47 گیندوں میں 11 چوکوں اور آٹھ چھکوں کی مدد سے 111 رنز بنائے، جو روہت شرما (35 گیندوں) کے بعد کسی ہندوستانی کی طرف سے دوسری تیز ترین ٹی ٹوئنٹی سنچری ہے۔ بھارت نے ٹاس جیت کر پہلے بیٹنگ کرتے ہوئے چھ وکٹوں پر 297 رنز بنائے جو اس فارمیٹ میں ان کا سب سے بڑا اسکور تھا۔ جواب میں بنگلہ دیش کی ٹیم سات وکٹوں پر صرف 164 رنز بنا سکی۔ ہندوستان کی جانب سے فاسٹ بولر مینک یادو نے 32 رن پر دو وکٹیں اور لیگ اسپنر روی بشنوئی نے 30 رن پر تین وکٹیں حاصل کیں۔ ٹی ٹوئنٹی کرکٹ میں سب سے زیادہ ٹیم اسکور کا ریکارڈ نیپال کے نام ہے جس نے 314 رنز بنائے تھے۔
بھارت ایکسپریس
سردی کی لہر کی وجہ سے دہلی پر دھند کی ایک تہہ چھائی ہوئی ہے۔…
ڈلیوال کا معائنہ کرنے والے ایک ڈاکٹر نے صحافیوں کو بتایاکہ ان کے ہاتھ پاؤں…
سنبھل میں یو پی پی سی ایل کے سب ڈویژنل افسر سنتوش ترپاٹھی نے کہاکہ…
حادثے کے فوری بعد پولیس نے ڈمپر ڈرائیور کو گرفتار کر لیاہے۔ پولیس کے مطابق…
یہ انکاؤنٹر پیلی بھیت کے پورن پور تھانہ علاقے میں ہواہے۔پولیس کو اطلاع ملنے کے…
اللو ارجن کے والد نے کہا کہ فی الحال ہمارے لیے کسی بھی چیز پر…