ICC ODI Ranking: چمپئنز ٹرافی فائنل کے بعد آئی سی سی نے جاری کی رینکنگ، ہندوستانی کھلاڑیوں نے لگائی چھلانگ

ICC ODI Latest Rankings 2025: انٹرنیشنل کرکٹ کونسل (آئی سی سی)  نے بدھ (12 مارچ) کو تازہ رینکنگ جاری کردی ہے۔ چمپئنز ٹرافی فائنل میں 76 رنوں کی میچ وننگ اننگ کھیلنے والے ہندوستانی کپتان روہت شرما کو رینکنگ میں فائدہ ہوا ہے۔ وہ تیسرے مقام پر پہنچ گئے ہیں۔ شبھمن گل نے اپنا ٹاپ کا مقام بنائے رکھا ہے۔ حالانکہ وراٹ کوہلی کو رینکنگ میں نقصان ہوا ہے۔ اسپنر گیند باز کلدیپ یادو نے بھی چھلانگ لگائی ہے اور رویندر جڈیجہ بھی ٹاپ-10 گیند بازوں میں شامل ہوگئے ہیں۔

شبھمن گل نے اپنا ٹاپ کا مقام قائم رکھا ہے، ان کے 784 ریٹنگ پوائنٹس ہیں۔ دوسرے نمبر پر770 ریٹنگ پوائنٹس کے ساتھ پاکستانی بلے باز بابر اعظم موجود ہیں۔ روہت شرما 2 مقام اوپرآگئے ہیں، وہ پانچویں سے تیسرے نمبر پرپہنچ گئے ہیں۔ انہیں فائنل میں 76 رنوں کی اننگ کھیلنے کا فائدہ ملا ہے۔ اسی اننگ کے لئے انہیں فائنل میں پلیئرآف دی میچ کا ایوارڈ بھی ملا تھا۔

کلدیپ اور جڈیجہ کو بھی فائدہ، وراٹ کوہلی کو نقصان

وراٹ کوہلی چمپئنز ٹرافی فائنل میں 2 گیندوں میں ایک رن بناکرآؤٹ ہوگئے تھے۔ کوہلی کو آئی سی سی رینکنگ میں ایک مقام کا نقصان ہوا ہے، وہ چوتھے سے پانچویں نمبرپرآگئے ہیں۔ ان کے 736 ریٹنگ پوائنٹس ہیں۔ ہندوستانی اسپنر کلدیپ یادو کو بھی آئی سی سی رینکنگ میں فائدہ ہوا ہے۔ انہوں نے تین مقام اوپرچھلانگ لگائی ہے، وہ 650 ریٹنگ پوائنٹس کے ساتھ تیسرے مقام پرآگئے ہیں۔ پہلے وہ چھٹے نمبر پر تھے۔ رویندر جڈیجہ 3 مقام اوپرآگئے ہیں، وہ ٹاپ-10 گیند بازوں میں شامل ہوگئے ہیں۔ پہلے وہ 13 نمبر پرتھے، اب 616 ریٹنگ پوائنٹس کے ساتھ 10ویں مقام پرآگئے ہیں۔

ورون چکرورتی کو ہوا بڑا فائدہ