بھارت ایکسپریس–
چمپئنز ٹرافی کے انعقاد سے متعلق جائزہ لینے کے لئے آئی سی سی کی ٹیم پاکستان جائے گی۔
ICC Delegation to meet Pakistan officials: چمپئنز ٹرافی 2025 سے متعلق تیاریاں کیسی ہیں، کرکٹ گراونڈ کی مرمت کا کام کب تک چلے گا اور بھی دیگر موضوعات سے متعلق انٹرنیشنل کرکٹ کونسل (آئی سی سی) کے کچھ افسران پاکستان جانے والے ہیں۔ کرک بز کی رپورٹ کے مطابق، منگل کو انٹرنیشنل کرکٹ کونسل کے پانچ لوگ پاکستان میں لینڈ کرنے والے ہیں۔ یہ پانچ افسران آئندہ سال ہونے والی چمپئنز ٹرافی کی تیاریوں کا جائزہ لیں گے اور ان کی پاکستان کرکٹ بورڈ (پی سی بی) چیئرمین محسن نقوی سے ملاقات بھی ممکن ہے۔
آئی سی سی سے آرہی ٹیم کرکٹ گراونڈ کا جائزہ، پریکٹس کے لئے سہولیات کو دیکھے گی۔ اس کے علاوہ پاکستان میں کھلاڑیوں کے لئے ہوٹل میں ٹھہرنے کی سہولت کیسی ہوگی۔ اس موضوع پر بھی خاص دھیان دیا جائے گا۔ پانچ افسران کی ٹیم ہوٹلوں میں جاکروہاں کی انتظامیہ سے بھی ملاقات کرے گی کہ آخر کھلاڑیوں کو ٹھہرنے کے بعد کیسی سہولیات دی جائیں گی۔
آئی سی سی کی ٹیم سب سے پہلے کراچی میں دی جانے والی سہولیات کا جائزہ لے گی، اس کے بعد ٹیم 20 ستمبرکو اسلام آباد جائے گی اور ہفتہ کے آخر میں لاہور میں دی جانے والی سہولیات کا جائزہ لے گی۔ 21 ستمبر کو سبھی افسران واپس لوٹ آئیں گے۔ آئی سی سی کے ذریعہ بھیجی گئی ٹیم میں سینئر ایونٹ مینیجر سے لے کردیگر ایونٹ مینیجر، سیکورٹی مینیجر، پروڈکشن مینیجر اور کرکٹ کے جنرل مینیجرشامل ہوں گے۔
سیکورٹی انتظامات کا جائزہ
پاکستان میں سیکورٹی نظام کی جانچ بھی کئے جانے کا امکان ہے۔ آئی سی سی کے سیکورٹی مینیجرڈیوڈ مکر، ہیڈ آف ایونٹس کرس ٹیٹلی اور انٹرنیشنل بورڈ میں پچوں کے مشیر اینڈی ایٹکنسن اپریل ماہ سے اب تک کل 3 مواقع پر پاکستان کا دورہ کرچکے ہیں۔ چونکہ پاکستان میں پہلے بھی بڑے حادثات ہوچکے ہیں، ایسے میں بورڈ سیکورٹی انتظامات میں کسی طرح کی نرمی نہیں دینا چاہتا۔ واضح رہے کہ چمپئنز ٹرافی 2025 کے لئے کراچی، لاہور اور اسلام آباد میں واقع تینوں بڑے میدانوں کو ورلڈ کلس سہولیات سے لیس کئے جانے کی کوشش ہو رہی ہے۔ مگرپاکستانی میڈیا کے مطابق پاکستان کرکٹ بورڈ کے ذریعہ کرکٹ گراونڈ میں کروائے جا رہے تعمیری کام طے وقت سے پیچھے ہے۔
بھارت ایکسپریس–
اتر پردیش کے نائب وزیر اعلیٰ برجیش پاٹھک نے میڈیکل ہیلتھ اینڈ فیملی ویلفیئر ڈپارٹمنٹ…
ہندوستان نے کینیڈا کی طرف سے نجار کے قتل کے الزامات کو یکسر مسترد کر…
ہندوستانی اسٹاک مارکیٹ میں ہلچل تیز ہے اور اس کی وجہ سے اڈانی گروپ کی…
مہاراشٹر اور جھارکھنڈ میں اسمبلی انتخابات کے لیے ووٹنگ مکمل ہونے کے بعد سامنے آنے…
اکھلیش یادو نے یہ بھی کہا کہ بی جے پی دھرم کے راستے پر نہیں…
نوئیڈا کے ڈی سی پی رامبدن سنگھ نے بتایا کہ یہ جعلساز اکثر اپنے فراڈ…