Indian Premier League 2023: سنسنی خیز مقابلے میں چنئی نے بنگلور کو 8 رنز سے شکست دے کر درج کی سپر جیت

Indian Premier League 2023: آئی پی ایل کے 16ویں سیزن کے 25ویں میچ میں کافی جوش و خروش سے بھرا ہوا تھا، ایسالگ رہا تھا کہ ایک وقت میں جہاں رائل چیلنجرز بنگلور (آر سی بی) کی ٹیم کافی مضبوط دکھائی دے رہی تھی برعکس  وہیں چنئی سپر کنگز نے آخری اوورز میں شاندار کھیل کا مظاہرہ کیا۔ میچ میں  واپسی کرتے ہوئے انہوں نے یہ میچ 8 رنز سے جیت لیا۔ اس میچ میں چنئی سپر کنگز کی جانب سے تشار دیش پانڈے نے شاندار بولنگ کی اور 3 وکٹیں اپنے نام کیں۔
اس سے پہلے، RCB کے خلاف ٹاس ہارنے کے بعد پہلے بلے بازی کرتے ہوئے، چنئی نے 20 اووروں میں 226/6 کا اسکور بنایا۔ چنئی کے لیے شیوم نے انتہائی خوبصورتی سے بلے بازی کرتے ہوئے 5 چھکوں اور 2 چوکوں کی مدد سے 52 رنز بنائے۔ قابل ذکر بات یہ ہے کہ  اس کے ساتھ ہی کونوے نے سب سے زیادہ 83 رنز بنائے۔ کونوے نے اپنی اننگز میں صرف 6 چھکے اور 6 چوکے لگائے۔ رہانے نے بھی 37 رنز کی شاندار اننگز کھیلی۔ دوسری جانب بنگلور کی طرف سے ہرشل پٹیل، وینندو ہسرنگا، وین پارنیل، وجے کمار ویشک، محمد سراج اور گلین میکسویل نے 1-1 وکٹ حاصل کی۔

چنئی سپر کنگز ٹیم کے کپتان مہندر سنگھ دھونی نے آر سی بی کے خلاف شاندار جیت حاصل کرنے کے بعد اپنے بیان میں شیوم دوبے اور ڈیون کونوے کی تعریف کی، اور  اس کے ساتھ ساتھ  ہی اپنے گیند بازوں کی بھی تعریف کی، جنہوں نے اس میچ میں اہم موڑ پر میچ کا رخ موڑدیا۔ ٹیم کو سنسنی خیز فتح دلانے میں اہم کردار ادا کیا۔

مہندر سنگھ دھونی نے اپنے بیان میں کہا کہ جب آپ بنگلور میں کھیلنے آتے ہیں تو یہاں کی وکٹ بیٹنگ کے لیے بہت بہتر ہوتا ہے۔ آئی پی ایل کے ابتدائی میچوں میں یہاں بہت اوس پڑتی ہے، اس لیے آپ کو اچھی شروعات کرنی ہوگی اور پھر آپ اپنے پلان کے مطابق کھیل سکتے ہیں۔

 دھونی نے اپنی ٹیم کی بولنگ کے بارے میں کہا کہ جب بھی آپ 220 رنز بناتے ہیں تو مخالف ٹیم کو جارحانہ  بلے بازی  کا مظاہرہ کرنا پڑتا ہے۔ اگر فاف اور میکسویل اسی طرح کھیلتے رہتے تو 18ویں اوور میں میچ ختم کر دیتے۔ میں مسلسل وکٹ کے پیچھے سے چیزوں کو سمجھ رہا تھا۔ میں مسلسل ان چیزوں کے بارے میں سوچتا ہوں جو ہونا چاہئے نہ کہ نتیجہ کے بارے میں۔ نوجوان بولر کے لیے آخری اوور میں بولنگ کرنا آسان کام نہیں لیکن وہ ڈوین براوو کی قیادت میں بہت محنت کر رہے ہیں۔