پاکستان کی نہیں چلے گی مرضی، ہرحال میں آنا ہوگا ہندوستان، بی سی سی آئی کا بڑا فیصلہ

چمپئنز ٹرافی 2025 کے لئے ابھی بھی کوئی تصویر سامنے نہیں آئی ہے۔ ہندوستان کرکٹ بورڈ (بی سی سی آئی) اورپاکستان کرکٹ بورڈ (پی سی بی) کے درمیان اس ٹورنا منٹ سے متعلق گزشتہ کئی وقت سے تنازعہ چل رہا تھا، لیکن اب اس کا حل نہیں نکلا ہے۔ بی سی سی آئی اس ٹورنا منٹ کو ہائی برڈ ماڈل پر کھیلنا چاہتا ہے، جس کے بعد پی سی بی نے بھی اس فارمولے کو ماننے کے لئے کچھ شرائط آئی سی سی کے سامنے رکھی تھیں۔ ان میں سے ایک شرط یہ تھی کہ پاکستان آنے والے وقت میں ہندوستان کی میزبانی میں کھیلے جانے والے ٹورنا منٹ ہائی برڈ ماڈل پر کھیلے گا۔ اس شرط پر اب ایک بڑا اپڈیٹ سامنے آیا ہے۔

بی سی سی آئی نے پاکستان کو دیا بڑا جھٹکا!

حال ہی میں کچھ رپورٹس میں دعویٰ کیا گیا تھا کہ آئندہ سال ہونے والی چمپئنز ٹرافی کو ہائی برڈ ماڈل میں منعقد کرنے سے متعلق عام رضا مندی بن گئی ہے، جس سے ہندوستان کو اپنے میچ دبئی میں کھیلے گا۔ وہیں، پاکستان کرکٹ بورڈ نے ہائی برڈ ماڈل کے بدلے آئی سی سی کے سامنے کچھ شرائط رکھی تھیں، جس کے مطابق، 2027 تک آئی سی سی ٹورنا منٹ میں ہائی برڈ ماڈل کا استعمال کیا جائے گا۔ اس مدت کے دوران ہندوستان اگلے سال اکتوبر میں ویمنس ورلڈ کپ اور سری لنکا کے ساتھ مشترکہ طور پر 2026 مرد ٹی-20 ورلڈ کپ کی میزبانی کرے گا۔ تاہم اب خبر سامنے آئی ہے کہ 2026 ٹی-20 ورلڈ کپ پوری طرح سے ہائی برڈ ماڈل پرنہیں کھیلا جائے گا۔

پاکستانی میڈیا رپورٹس کے مطابق، بی سی سی آئی ٹی-20 ورلڈ کپ 2026 میں پاکستان کرکٹ ٹیم کے گروپ میچ سری لنکا میں کروانے کے لئے تیار ہے، لیکن سیمی فائنل اورفائنل میچ کے لئے پاکستان کی ایک بھی شرط نہیں مانی جائے گی۔ یعنی بی سی سی آئی 2026 ٹی-20 ورلڈ کپ کے سیمی فائنل اورفائنل میچ ہندوستان کے باہرنہیں کرائے گا، ایسے میں پاکستان کی ٹیم اگرسیمی فائنل اورفائنل میں پہنچتی ہے تواسے ہرحال میں ہندوستان کا دورہ کرنا ہوگا۔

ٹیم انڈیا دبئی میں کھیل سکتی ہے سبھی میچ