ICC-Bangladesh Cricket Board Controversy: بنگلہ دیش سے چھن جائے گی اس ٹورنا منٹ کی میزبانی! آئی سی سی سے لڑائی کا ہوگا بڑا نقصان

آئی سی سی نے ٹی-20 ورلڈ کپ سے بنگلہ دیش کو باہر کرنے کا اعلان کردیا ہے۔

بنگلہ دیش کرکٹ بورڈ اورانٹرنیشنل کرکٹ کونسل (آئی سی سی) کے درمیان لڑائی کا بڑا نقصان بنگلہ دیش کواٹھانا پڑسکتا ہے۔ آئی پی ایل سے اپنے ایک کھلاڑی کو باہرکرنے سے برہم ہوئی بنگلہ دیشی حکومت نے دنیا میں کرکٹ چلانے والے دو سب سے بڑے اداروں آئی سی سی اوربی سی سی آئی سے ٹکراومول لے لیا۔ باربارسمجھانے، منانے اوربھروسہ دلانے کے باوجود بنگلہ دیش حکومت نے ٹی-20 ورلڈ کپ 2026 کے لئے اپنی ٹیم کو ہندوستان بھیجنے سے انکارکردیا۔ اس کا خمیازہ اسے بھگتنا پڑسکتا ہے اوریہ صرف ورلڈ کپ سے باہرہونے یا کروڑوں کی کمائی چھوڑنے تک محدود نہیں ہوگا بلکہ ایک بڑے ٹورنا منٹ سے بھی اسے ہاتھ دھونا پڑسکتا ہے۔

مستفیض الرحمٰن کوآئی پی ایل سے باہرکرنے کے بی سی سی آئی کے فیصلے کے بعد بنگلہ دیش کرکٹ بورڈ (بی سی بی) نے ٹی-20 ورلڈ کپ کے لئے ہندوستان نہیں آنے کی دھمکی دی تھی اوراپنے میچ سری لنکا یا کسی دوسرے وینیومیں شفٹ کرنے کا مطالبہ کیا تھا۔ بی سی سی آئی اورآئی سی سی نے بنگلہ دیش بورڈ کوبہت سمجھا، مگربورڈ کوبنگلہ دیشی حکومت کا بھی ساتھ ملا اورپھراس نے بڑا فیصلہ لے لیا۔ آخرکارآئی سی سی نے سختی دکھاتے ہوئے واضح کردیا کہ اگربنگلہ دیش کو کھیلنا ہے توہندوستان میں کھیلنا ہوگا، نہیں تو اس کی جگہ دوسری ٹیم کوموقع دیا جائے گا۔

بنگلہ دیش سے چھن جائے گی میزبانی

آخرکاریہی ہوا بھی ہے اوراب بنگلہ دیش کو اس کا بڑا نقصان اٹھانا پڑسکتا ہے۔ ابھی تک تمام قیاس آرائیاں اس بات پرتھیں کہ بنگلہ دیش کوورلڈ کپ میں اپنی جگہ گنوانی پڑے گی اوراس کی جگہ اسکاٹ لینڈ کو موقع ملے گا۔ ساتھ ہی آئی سی سی ریوینیوسے بھی اس کوہاتھ دھونا پڑسکتا ہے۔ مگران سب کے علاوہ ایک بڑا نقصان بنگلہ دیش اٹھانا پڑسکتا ہے اوروہ ہے مستقبل میں ہونے والے آئی سی سی ٹورنامنٹس کی میزبانی۔ بنگلہ دیش نے کچھ سال پہلے ہی ٹی-20 ورلڈ کپ کی میزبانی کی تھی، جبکہ ورلڈ کپ 2011 میں بھی وہ ہندوستان-سری لنکا کے ساتھ میزبان تھا۔ ٹورنامنٹس کے کامیاب انعقاد اورملک میں اس گیم کی مقبولیت کودیکھتے ہوئے آئی سی سی نے بنگلہ دیش کو ایک اوربڑے ٹورنا منٹ کا میزبان بنایا تھا۔ اصل میں بنگلہ دیش کو ورلڈ کپ 2031 کے لئے شریک میزبان بنایا گیا ہے اوراتفاق سے اس کی میزبانی اسے ہندوستان کے ساتھ ہی ملی ہے۔ اب اگرآئی سی سی کسی بھی طرح کی کارروائی بنگلہ دیش کرکٹ بورڈ پرکرتا ہے تواس میں اس ٹورنا منٹ کی میزبانی چھیننا بھی شامل ہوسکتا ہے۔ اگرایسا ہوتا ہے توبنگلہ دیشی بورڈ کے ہاتھوں سے کمائی ک ایک اوربڑا موقع پھسل جائے گا۔

کروڑوں کا نقصان، پابندی کا خطرہ

آپ کو بتا دیں کہ آئی سی سی کی طرف سے بنگلہ دیش کوکئی طرح کی سزائیں مل سکتی ہیں۔ ورلڈ کپ کھیلنے سے انکارکرنے پربنگلہ دیش کو آئی سی سی سے ملنے والا سالانہ ریوینیو، جو تقریباً 325 کروڑ بنگلہ دیشی ٹکا ہے، بند ہوسکتا ہے۔ اگرپورا نہیں تواس کی بڑی رقم جرمانے کے طورپرکاٹی جاسکتی ہے۔ اتنا ہی نہیں، ٹورنا منٹ میں حصہ لینے اورہرمیچ جیتنے پرملنے والی انعامی رقم بھی اس کے ہاتھ سے نکل جائے گی۔ اتنا ہی نہیں، اس کا اثربنگلہ دیشی خواتین ٹیم اورانڈر-19 ٹیم پرپڑسکتا ہے، جنہیں اگلے کچھ سال کے لئے آئی سی سی ٹورنا منٹ سے پابندی لگائی جاسکتی ہے۔

بھارت ایکسپریس اردو-

Nisar Ahmad