Asia Cup 2023: نیپال کے خلاف جیت کے بعد بابر اعظم اینڈ کمپنی کے حوصلے بلند، ٹیم انڈیا سے متعلق کہی یہ بڑی بات

پاکستان کے کپتان بابراعظم نے بدھ کے روز کہا کہ ایشیا کپ کے پہلے میچ میں نیپال کے خلاف 238 رنوں کی بڑی جیت ہفتہ کے روزسخت حریف ہندوستان کے خلاف ہونے والے بڑے مقابلے سے پہلے ان کی ٹیم کو خود اعتمادی فراہم کرے گی۔ پاکستان نے یہاں گروپ اے میچ میں کمزور نیپال کو 238 رنوں کے بڑے فرق سے شکست دے کرایشیا کپ میں فاتحانہ شروعات کی۔ پاکستان اب ہندوستان کے خلاف پلّے کیلے میں کھیلے جانے والے میچ کے لئے سری لنکا جائے گا۔

بابراعظم نے میچ ختم ہونے کے بعد کہا، ’’یہ میچ ہندوستان کے خلاف میچ کے لئے اچھی تیاری تھی کیونکہ اس سے ہمیں خود اعتمادی ملی۔ ہم ہرمیچ میں 100 فیصد دینا چاہتے ہیں، امید ہے کہ وہاں بھی ایسا کریں گے۔‘‘ بابراعظم نے 151 رن بنائے، جو ان کی 19ویں یک روزہ سنچری ہے۔ افتخار احمد (ناٹ آوٹ 109 رن) نے اپنی پہلی یک روزہ سنچری ہے، جس سے پاکستان نے پہلے بلے بازی کرتے ہوئے 6 وکٹ پر 342 رن بنائے۔

اس کے جواب میں نیپال کی پوری ٹیم 23.4 اوور میں محض 104 رنوں پرآوٹ ہوگئی۔ بابر اعظم نے کہا، ’’جب میں کریزپراترا تھا تو کچھ گیندوں کو سمجھنا چاہتا تھا۔ گیند بلے بازپرایک رفتارسے نہیں آرہی تھی۔ میں نے محمد رضوان کے ساتھ شراکت کی اور میچ پر اس کا گہرا اثر رہا۔ میں اورمحمد رضوان دونوں ایک دوسرے کی حوصلہ افزائی کرتے ہیں۔‘‘

بابراعظم نے کہا کہ ’’افتخاراحمد کے آنے کے بعد چیزیں بدل گئیں۔ اس نے کافی اچھی بلے بازی کی۔ دو تین چوکے لگانے کے بعد وہ لے میں آگیا۔‘‘ انہوں نے کہا، ’’میں اس کارکردگی سے مطمئن ہوں۔ تیز گیند بازوں اوراسپنروں نے اپنا کام اچھے سے کیا۔‘‘