سیمی فائنل میں 10 وکٹ سے ہاری ٹیم انڈیا

نئی دہلی، 10 نومبر(بھارت ایکسپریس): ٹیم انڈیا سیمی فائنل میچ میں انگلینڈ سے 10 وکٹ سے ہار گئی ہے۔ انگلینڈ نے ٹاس جیت کر پہلے گیند بازی کا فیصلہ کیا تھا جس کے بعد ٹیم انڈیا نے پہلے بلے بازی کرتے ہوئے 168 رن بنائے۔ ٹیم انڈیا کی طرف سے ہاردک پنڈیا نے سب سے زیادہ 64 رن بنائے وہیں وراٹ کوہلی نے 50 رن بنائے۔ ان کے علاوہ کپتان روہت شرما نے 27 رن بنائے اور سوریہ کمار یاؤ نے 14 رن بنائے۔ اس طرح سے ٹیم انڈیانے انگلینڈ کے سامنے 169 رن کا ہدف رکھا جسے انگلینڈ نے بغیر کوئی وکٹ گوائیں حاصل کر لیا اور ورلڈ کپ 2022 کے فائنل میں پہنچ گیا۔ اب پاکستان اور انگلینڈ کے بیچ کھیلا جائے گا فائنل۔انگلینڈ کی جانب سے کپتان جوس بٹلر نے 80 اور الیکس ہیلس نے 86 رنوں کی ناباد پاری کھیلی۔