Road accident in Bulandshahr: بلند شہر میں دردناک سڑک حادثہ، کار سے ہوئی ٹرک کی زوردار ٹکر، 4 افراد ہلاک، ایک زخمی

Road accident in Bulandshahr: اتر پردیش میں مسلسل سڑک حادثات میں لوگوں کی جان جا رہی ہے۔ تازہ ترین معاملہ یوپی کے بلند شہر سے سامنے آیا ہے، جہاں ایک بڑے سڑک حادثے میں 4 لوگوں کی موت ہو گئی ہے اور ایک شخص شدید زخمی ہو گیا ہے۔ وہیں اطلاع ملتے ہی پولیس موقع پر پہنچی اور لاشوں کو قبضے میں لے کر پوسٹ مارٹم کے لیے بھیج دیا ہے۔ پولیس نے پورے معاملے کی تفتیش شروع کردی ہے۔

دان پور گاؤں کے قریب پیش آیا حادثہ

بلند شہر کے ڈیبائی تھانہ علاقے کے تحت دان پور گاؤں کے قریب حادثہ پیش آیا ہے۔ اطلاع مل رہی ہے کہ منگل کی صبح ایک نامعلوم ٹرک نے نوئیڈا سے سنبھل جا رہی ایکو کار کو پیچھے سے ٹکر مار دی۔ بتایا جا رہا ہے کہ ٹرک کی ٹکر اتنی زوردار تھی کہ کار سیدھی کھائی میں جا گری اور کار میں بیٹھے چار افراد کی موقع پر ہی موت ہو گئی۔ وہیں ایک شخص شدید زخمی ہوگیا۔ زخمی نوجوان کو مقامی پولیس نے علی گڑھ میڈیکل کالج میں داخل کرایا ہے۔ واقعہ کی اطلاع ملتے ہی پولیس تھانہ سی او نے موقع پر پہنچ کر لاشوں کو قبضے میں لے کر پوسٹ مارٹم کے لیے بھیج دیا اور مزید تفتیش شروع کر دی ہے۔ تمام مہلوکین اور زخمی سنبھل ضلع کے دھناری تھانہ علاقے کے رہنے والے بتائے جاتے ہیں۔

زوردار ٹکر سے اڑے کار کے پرخچے

دوسری طرف ایس پی دیہات بجرنگ بلی چورسیا نے اس سلسلے میں میڈیا کو بتایا کہ نیرج نامی شخص سنبھل ضلع کا رہنے والا ہے۔ وہ اپنی بیوی کو چھوڑ کر سسرال سے گھر جا رہا تھا کہ راستے میں نامعلوم گاڑی نے اسے ٹکر مار دی اور یہ تمام افراد حادثے کا شکار ہو گئے۔ اس کے ساتھ ہی معلومات سامنے آئی ہیں کہ حادثہ اتنا بھیانک تھا کہ کار کے پرخچے اڑ گئے، جس کے باعث کار کو گیس کٹر سے کاٹ کر لاشیں نکالی گئیں۔ دوسری طرف حادثے میں جان گنوانے والے پرمود، پشپیندر، نیرج، جتیندر اور زخمی مکیش سنبھل ضلع کے رہنے والے بتائے جاتے ہیں، جو نوئیڈا سے سنبھل واپس جا رہے تھے۔ وہیں واقعہ رات تقریباً ایک بجے کا بتایا جا رہا ہے۔ اے ڈی ایم انتظامیہ پرشانت کمار نے بتایا کہ مرنے والوں کے اہل خانہ کو حادثے کی اطلاع دے دی گئی ہے، جب کہ زخمیوں کو بہتر علاج فراہم کرنے کی کوشش کی جارہی ہے۔ اس واقعہ کی اطلاع ملتے ہی مہلوکین کے اہل خانہ میں کہرام مچ گیا۔ پورے گاؤں میں ماتم کا ماحول ہے۔

بھارت ایکسپریس۔