Smriti Irani Targets I.N.D.I.A Alliance: ‘ممتا بنرجی سناتن مخالف ہیں’، اسمرتی ایرانی کا الزام، جانئے مزید کیا کہا

مرکزی وزیر اسمرتی ایرانی نے جمعرات (25 جنوری) کو مغربی بنگال کی وزیر اعلیٰ ممتا بنرجی کوتنقید کا نشانہ بنایا۔ انہوں نے الزام لگایا کہ ممتا بنرجی نے سماج کے ایک طبقے کو ہندو مذہب کے خلاف اکسانے کی کوشش کی ہے۔ انہوں نے سوال کیا کہ ممتا بنرجی بھگوان کی توہین کیوں کر رہی ہیں؟

اس دوران انہوں نے انڈین نیشنل ڈیموکریٹک انکلوسیو الائنس (انڈیا الائنس) کو بھی نشانہ بنایا۔ میڈیا سے خطاب کرتے ہوئے انہوں نے کہا کہ جہاں کہیں بھی دراوڑ منیترا کزگم (ڈی ایم کے) اور ممتا بنرجی جیسے لیڈر ہیں، ان کا مقصد سناتن دھرم کی توہین کرنا ہے۔

سناتن دھرم کی توہین

مرکزی وزیر نے کہا، ” تمل ناڈو میں رام مندر کے پران پرتشٹھا  کو روکنے کا معاملہ بھی سامنے آیا تھا۔ اس کے علاوہ  شیو مندر کمپلیکس پر حملہ کرنے والوں کو تحفظ فراہم کرنا ہو یا پھر بھگوان رام کا نام لینے پربرہم ہونے کا معاملہ ہو  ٹی ایم سی اس معاملہ پیچھے نہیں رہتی ہیں۔

رام مندر کا جشن روکنے کا الزام

اسمرتی ایرانی کا یہ بیان ایک ایسے وقت میں سامنے آیا ہے جب ایودھیا میں رام للا پران پرتشٹھا تقریب کے حوالے سے بی جے پی کی تامل ناڈو اور مغربی بنگال اکائیوں نے ممتا بنرجی اور اسٹالن حکومت پر رام مندر کے افتتاح کی تقریب پر پابندی لگانے کا الزام عائد کیا ہے۔ .

بی جے پی کی مغربی بنگال یونٹ نے الزام لگایا تھا کہ ٹی ایم سی حکومت ایودھیا میں رام مندر کے افتتاح کے موقع پر ریاست کے مختلف حصوں میں ہونے والی تقریبات میں لوگوں کو شرکت سے روکنے کی کوشش کر رہی ہے۔

نرملا سیتارامن نے نشریات روکنے کا الزام لگایا تھا۔

اسی دوران وزیر خزانہ نرملا سیتا رمن نے پران پرتشٹھا پروگرام کے لائیو ٹیلی کاسٹ پر پابندی لگانے کا بھی الزام لگایا تھا۔ ایک تمل اخبار کی رپورٹ کا حوالہ دیتے ہوئے انہوں نے کہا تھا کہ تمل ناڈو حکومت کے زیر انتظام مندروں نے ایودھیا میں رام مندر کے افتتاح  کے دن بھگوان رام کی پوجا پر پابندی لگا دی ہے۔