سری کرشنا جنم بھومی کمپلیکس میں بڑھائی گئی سیکورٹی
متھرا ضلع انتظامیہ نے اکھل بھارت ہندو مہاسبھا (اے بی ایچ ایم) کی طرف سے سری کرشنا جنم بھومی کمپلیکس میں ہنومان چالیسہ پڑھنے کی درخواست کے پیش نظر سیکورٹی بڑھا دی ہے۔ تنظیم نے 1992 میں ایودھیا میں بابری مسجد کے انہدام کی 30 ویں برسی پر منگل کو ‘سناتن سمرپن دیوس’ منانے کا فیصلہ کیا ہے۔ متھرا کے سینئر سپرنٹنڈنٹ آف پولیس (ایس ایس پی) شیلیش پانڈے نے کہا کہ 6 دسمبر کو اکھل بھارت ہندو مہاسبھا کی طرف سے تجویز کردہ مقام پر ‘ہنومان چالیسہ’ کی تلاوت سمیت ایسی کسی تقریب کے انعقاد کے لیے کوئی اجازت نہیں مانگی گئی تھی اور نہ ہی کوئی اجازت لی گئی تھی۔ پابندیوں کی خلاف ورزی کرنے والوں کے ساتھ سختی سے نمٹا جائے گا۔
انہوں نے کہا کہ سری کرشنا جنم بھومی کمپلیکس اور شاہی عیدگاہ مسجد کی حفاظت سنٹرل ریزرو پولیس فورس (سی آر پی ایف) کرتی ہے۔ 6 دسمبر کی حساسیت کو دیکھتے ہوئے، ہم نے پہلے ہی قریبی اضلاع سے اضافی پولیس فورس طلب کر لی ہے۔
پانڈے نے کہا، ہم تنظیم اور کارکنوں کی سرگرمیوں کی نگرانی کر رہے ہیں جنہوں نے منگل کو اس طرح کی کالیں کیں۔ کسی کو بھی امتناعی احکامات کی خلاف ورزی کرنے کی اجازت نہیں دی جائے گی کایونکہ ضابطہ فوجداری کی دفعہ 144، جو کہ کسی بھی غیر قانونی اجتماع کو روکتی ہے، نافذ ہے۔
ایس ایس پی نے تعینات اہلکاروں کی تعداد کے بارے میں مزید تفصیلات بتائے بغیر کہا کہ پی اے سی، ریاستی پولیس اور ٹریفک پولیس سمیت انٹیلی جنس ڈیپارٹمنٹ کی ٹیموں کے علاوہ مناسب فورس تعینات کی جانی ہے۔
دوسری طرف، اے بی ایچ ایم کے قومی خزانچی دنیش کوشک نے کہا کہ کچھ بھی ہو جائے، منگل کو دوپہر 12 بجے ‘ہنومان چالیسہ’ پڑھا جائگا ۔
دنیش کوشک نے کہا، انتظامیہ ہمیں ہراساں کرنے کے لیے شری کرشنا جنم بھومی کے قریب ہوٹلوں کی بکنگ منسوخ کر رہی ہے۔ اے بی ایچ ایم کے غیر مقیم ہندوستانی (این آر آئی) کارکنوں کو ہوائی اڈوں پر روکا جا رہا ہے۔ اے بی ایچ ایم کے ریاستی ترجمان سنجے ہریانہ اور لیڈر نیرج گوتم کو گھر میں نظر بند رکھا گیا ہے۔ پولیس متھرا میں میرے گھر پہنچ گئی ہے۔
کوشک نے خبردار کیا کہ اگر ہمیں مقررہ وقت کے مطابق ہنومان چالیسہ پڑھنے کی اجازت نہیں دی گئی تو میں شری کرشن جنم بھومی کے گیٹ پر خودکشی کر لوں گا۔
دوسری جانب متھرا پولیس نے 6 دسمبر کے واقعے کے سلسلے میں اشتعال انگیز کال کرنے کے لیے دو کیس درج کیے ہیں۔
جنوبی کوریا، امریکہ اور جاپان نے 15 نومبر کو جنوبی کوریا کے جنوبی جزیرے جیجو…
اتوار کے روز جب ٹیم سروے کرنے سنبھل کی جامع مسجد پہنچی تو کچھ لوگوں…
اقوام متحدہ کے ورلڈ فوڈ پروگرام (ڈبلیو ایف پی) نے مغربی سوڈان میں شمالی دارفور…
فرقہ وارانہ تشدد جمعرات کے مہلک حملے کے بعد شروع ہوا، جب کرم کے گنجان…
ریاستہائے متحدہ میں، فرد جرم ایک رسمی تحریری الزام ہوتا ہے جو ایک پراسیکیوٹر کے…
جنوبی افریقہ کے بلے باز ڈیوڈ ملر کو لکھنؤ نے 7.50 کروڑ روپے میں خریدا۔…