Ram Mandir Inauguration: کن ریاستوں میں 22 جنوری کو ہوگا ڈرائی ڈے؟ جانئے کہاں-کہاں رہے گی چھٹی؟

Ram Mandir Inauguration: رام للا کی پران پرتشٹھا کے دن (22 جنوری کو) تمام ملکی اور غیر ملکی شراب کی دکانیں، ریستوراں، بار، ہوٹل اور کلب وغیرہ بند رہیں گے۔ 22 جنوری کو ایودھیا میں بھگوان رام للا کی پران پرتشٹھا کا پروگرام منعقد کیا جائے گا۔ اس دن ملک بھر سے ہزاروں لوگ پروگرام میں شرکت کریں گے اور کروڑوں لوگ اپنے گھروں پر چراغاں کرکے تہوار منائیں گے۔ اس دوران ملک کی مختلف ریاستوں میں تعطیلات کا اعلان کیا گیا ہے۔

رام للا کی پران پرتشٹھا کے موقع پر اتر پردیش، مدھیہ پردیش، چھتیس گڑھ، ہریانہ، مہاراشٹرا اور گوا میں تعطیل کا اعلان کیا گیا ہے۔ اس کے علاوہ راجستھان، گجرات اور اتراکھنڈ کی حکومتوں نے 22 جنوری کو آدھے دن کی چھٹی کا اعلان کیا ہے۔ کئی ریاستوں کی حکومتوں نے اس دن کے موقع پر ڈرائی ڈے کا اعلان کیا ہے۔ اس کا مطلب ہے کہ 22 جنوری کو ان ریاستوں میں نہ تو شراب خریدی جا سکے گی اور نہ ہی شراب بیچی جائے گی۔ ان ریاستوں میں تمام دیسی شراب، غیر ملکی شراب کی رٹیل کی دکانیں، ہوٹل، بار کلب وغیرہ بند رہیں گے۔

یہ بھی پڑھیں- Centre Withholds Funds From Bengal for Not Displaying PM Photo at Ration Shops: راشن کی دوکانوں پر پی ایم مودی کی تصویر نہ لگانے پرمرکزی حکومت نے ممتابنرجی سرکار کے7000 کروڑ روپئے روک لئے

جن ریاستوں میں ڈرائی ڈے ہونے والا ہے ان میں اتر پردیش، مدھیہ پردیش، چھتیس گڑھ، راجستھان، ہریانہ اور آسام شامل ہیں۔ ان تمام ریاستوں کے وزیراعلیٰ نے سرکاری طور پر اعلان کیا ہے کہ ریاست میں ڈرائی ڈے ہوگا۔ رام للا کی پران پرتشٹھا کی تقریب کے دن، لوگ اپنے گھروں اور آس پاس کے مندروں میں چراغ جلا کر دیپوتسو منا سکتے ہیں اور رام کے بھجن گا کر ایودھیا کے پروگرام میں دل و جان سے حصہ لے سکتے ہیں۔

-بھارت ایکسپریس