Weather Update: دہلی میں آج پھر بارش، یوپی میں موسم صاف رہے گا، شمالی ہندوستان کے موسم کا جانیں کیا ہے حال

Weather Update: دارالحکومت دہلی سمیت ملک کے کئی حصوں میں گزشتہ چند دنوں سے مسلسل بارش ہو رہی ہے۔ محکمہ موسمیات کی اطلاع کے مطابق ویسٹرن ڈسٹربنس کی وجہ سے بارش ہو رہی ہے۔ محکمہ موسمیات سے موصولہ اطلاعات کے مطابق آج 23 مارچ دہلی-این سی آر سمیت شمالی ہندوستان کی ریاستوں میں ہلکی بارش کا امکان ہے، 24 مارچ سے تیز بارش کے ساتھ  30 سے ​​40  کلومیٹر فی گھنٹہ  کی رفتار سے تیز  ہوائیں   چلنے کی محکمہ موسمیات نے بھی پیش گوئی کردی ہے۔قابل  ذکر بات یہ ہے کہ  یوپی میں موسم صاف رہنے کا امکان ہے۔

جمعرات 23 مارچ کو دہلی میں کم سے کم درجہ حرارت 16 ڈگری سیلسیس اور زیادہ سے زیادہ 30 ڈگری سیلسیس تک ہوسکتا ہے۔ اس کے ساتھ ساتھ دن بھر مطلع ابر آلود رہنے کا امکان ہے۔ بدھ 22 مارچ کو دارالحکومت کا زیادہ سے زیادہ درجہ حرارت 28.7 ڈگری تھا جو معمول سے دو ڈگری کم تھا، جب کہ کم سے کم درجہ حرارت 14.1 ڈگری تھا۔ اس سے قبل شدید بارش کی وجہ سے کئی ریاستوں میں کھیتوں میں پانی بھر جانے کی وجہ سے فصلوں کو نقصان پہنچا ہے۔ قابل ذکر بات یہ ہے کہ ایک دن بارش نہ ہونے کی وجہ سے درجہ حرارت میں قدرے اضافہ ہوا۔

ان ریاستوں میں آج بارش کا امکان ہے

آج شام سے ملک کی کئی ریاستوں میں موسم بدلنے کا امکان ہے۔ آج شام سے شمال مغربی ہندوستان میں بارش کے ساتھ ژالہ باری کا امکان ہے۔ پنجاب، مغربی راجستھان، جموں کشمیر اور ہماچل پردیش میں بارش کے ساتھ ژالہ باری کے امکانات ہیں۔ اس کے ساتھ ہی ہریانہ، چندی گڑھ اور آسام-میگھالیہ اور ناگالینڈ، تریپورہ میں موسم میں تبدیلی کا امکان ہے۔ اس کے ساتھ ہی وسطی ہندوستان اور مشرقی ہندوستان میں 26 مارچ کو بارش اور ژالہ باری کا امکان ہے۔
محکمہ موسمیات کے مطابق 23-25 ​​مارچ کے دوران شمال مغربی ہندوستان اور 24-25 مارچ کے دوران وسطی اور  مشرقی ہندوستان میں بھی بارش، گرج چمک اور ژالہ باری کا امکان ہے ۔ اس کے علاوہ جموں کشمیر، لداخ، ہماچل پردیش، بلتستان میں بھی گرج چمک اور تیز ہوا چلنے کی پیش گوئی کی گئی ہے۔ پنجاب اور راجستھان میں آسمانی بجلی، تیز ہواؤں کے ساتھ ہلکی بارش کا امکان ہے۔ اس کے ساتھ ہی 23 مارچ کو یوپی میں موسم صاف رہے گا۔

بھارت ایکسپریس