بھارت ایکسپریس۔
وزیر اعظم مودی
وزیر اعظم نریندرمودی نے بدھ (17 جنوری) کو کانگریس کو تنقید کا نشانہ بنایا ۔ انہوں نے کہا کہ کانگریس نے غریبی ہٹاؤکا نعرہ دیا، لیکن ہم نے کام کر دکھایا۔ ہمارے کام کا اثر ملک بھر میں نظر آرہا ہے۔
وزیر اعظم نریندرمودی نے کہا کہ بی جے پی حکومت کی پالیسیوں کا اثر ملک میں نظر آرہا ہے۔ حال ہی میں ایک رپورٹ آئی ہے کہ پچھلے نو سالوں میں 25 کروڑ لوگ غربت سے باہر آئے ہیں۔ اس ملک میں پانچ دہائیوں تک کانگریس جیسی پارٹیوں نے غریبی ہٹاؤ کا نعرہ دیا، لیکن ہماری حکومت میں 25 کروڑ لوگوں کو غربت سے نکالنا بڑی بات ہے۔
پی ایم مودی نے کیا کہا؟
جیت کا فارمولہ بتاتے ہوئے وزیر اعظم نریندرمودی نے کہا کہ ہمارا عزم یہ ہونا چاہیے کہ ہم ہر بوتھ کو جیتیں گے۔ اگر ہم ہر بوتھ جیت سکتے ہیں تو کیرالہ میں الیکشن جیت سکتے ہیں۔ آپ کو زیادہ محنت کرنی ہوگی اور ہر ووٹر پر توجہ دینا ہوگی۔
بی جے پی کارکنوں سے خطاب کرتے ہوئے انہوں نے کہا کہ کیرالہ میں لیفٹ ڈیموکریٹک فرنٹ (ایل ڈی ایف) اور یونائیٹڈ ڈیموکریٹک فرنٹ (یو ڈی ایف) کا ٹریک ریکارڈ بدعنوانی کی تاریخ کا مترادف ہے۔ ہمیں یہ بات عوام تک پہنچانی ہے۔
وزیر اعظم نریندرمودی نے دعویٰ کیا کہ بی جے پی ہندوستان کی واحد پارٹی ہے جس کے پاس تیز رفتار ترقی کا ثابت شدہ ٹریک ریکارڈ ہے اور مستقبل کے لیے ایک واضح وژن ہے۔ انہوں نے مزید کہا کہ کیرالہ کے لوگوں نے جو پیار دکھایا ہے اس کے لئے وہ لوگوں کے مشکور ہیں ۔
آپ کو بتا دیں کہ وزیر اعظم مودی کیرالہ کے دو روزہ دورے پر ہیں اور شام دیر گئے دہلی واپس آئیں گے۔
بھارت ایکسپریس۔
پارلیمنٹ میں احتجاج کے دوران این ڈی اے اور انڈیا الائنس کے ممبران پارلیمنٹ کے…
این سی پی لیڈرچھگن بھجبل کی وزیراعلیٰ دیویندرفڑنویس سے ملاقات سے متعلق قیاس آرائیاں تیزہوگئی…
سردی کی لہر کی وجہ سے دہلی پر دھند کی ایک تہہ چھائی ہوئی ہے۔…
ڈلیوال کا معائنہ کرنے والے ایک ڈاکٹر نے صحافیوں کو بتایاکہ ان کے ہاتھ پاؤں…
سنبھل میں یو پی پی سی ایل کے سب ڈویژنل افسر سنتوش ترپاٹھی نے کہاکہ…
حادثے کے فوری بعد پولیس نے ڈمپر ڈرائیور کو گرفتار کر لیاہے۔ پولیس کے مطابق…