Joshimath: پی ایم مودی نے جوشی مٹھ کو بچانے کا دلایا یقین، پی ایم او میں ہوئی اعلیٰ سطحی میٹنگ

Joshimath: وزیر اعظم کے دفتر (PMO) نے اتراکھنڈ کے جوشی مٹھ میں لینڈ سلائیڈنگ کے واقعہ پر بڑھتی ہوئی تشویش کا نوٹس لیا ہے۔ پی ایم او حکام اتوار کو اس معاملے پر ایک اعلیٰ سطحی میٹنگ کریں گے۔ دریں اثنا، اتراکھنڈ کے سی ایم پشکرسنگھ دھامی نے کہا کہ پی ایم مودی نے جوشی مٹھ کو بچانے کے لیے ہر ممکن مدد کی یقین دہانی کرائی ہے۔

وزیراعظم کے پرنسپل سیکرٹری پی کے مشرا پی ایم او میں کابینہ سکریٹری راجیو گوبا اور مرکزی حکومت کے دیگر اعلیٰ عہدیداروں کے ساتھ ساتھ نیشنل ڈیزاسٹر منیجمنٹ اتھارٹی (NDMC) کے ارکان کے ساتھ صورتحال کا جائزہ لینے کے لیے میٹنگ کریں گے۔

ذرائع نے بتایا کہ ریاستی حکومت کے سینئر عہدیداروں کے ساتھ جوشی مٹھ کے ضلعی عہدیدار بھی ویڈیو کانفرنسنگ کے ذریعہ میٹنگ میں موجود ہوں گے۔ جوشی مٹھ میں زمین دھنسنے کی وجہ سے شہر کے مکمل دھنسنے کا اندیشہ ہے۔

وزیر اعظم نے دلایا ہر ممکن مدد کا یقین

اتراکھنڈ کے وزیر اعلیٰ پشکر سنگھ دھامی نے کہا کہ وزیر اعظم نریندر مودی نے فون پر تفصیلی معلومات لی اور پوچھا کہ کتنے لوگ متاثر ہوئے، کتنا نقصان ہوا، لوگوں کے بے گھر ہونے کے لیے کیا کیا جا رہا ہے۔ پی ایم مودی نے جوشی مٹھ کو بچانے کے لیے ہر ممکن مدد کا یقین دلایا ہے۔

متاثرہ لوگوں کو منتقل کیا جا رہا ہے – ستپال مہاراج

اتراکھنڈ کے سیاحت، تعمیرات عامہ، آبپاشی، پنچایتی راج، دیہی تعمیرات، واٹرشیڈ، اوقاف اور ثقافت کے وزیر ستپال مہاراج نے کہا کہ جوشی مٹھ میں بار بار لینڈ سلائیڈنگ کی وجہ سے کئی مکانات اور عمارتوں میں دراڑیں پڑنے سے متاثرہ لوگوں کو دیگر مسائل کا سامنا کرنا پڑتا ہے۔

یہ بھی پڑھیں- Rahul Gandhi Worry About Joshimath: جوشی مٹھ سانحہ پر راہل گاندھی نے کہا- تباہی نے لوگوں سے آشیانے چھین لئے، مندروں کی سیکورٹی یقینی بنائے ریاستی حکومت

چمولی کے ضلع مجسٹریٹ ہمانشو کھورانہ نے کہا کہ غیر محفوظ علاقوں میں رہ جانے والوں کے سامان کو منتقل کرنے کے لیے تمام سیکٹروں میں سیکٹر افسران کو نامزد کیا گیا ہے۔ ایس ڈی آر ایف کی ٹیم ان کے ساتھ ہے، میونسپلٹی اور ریونیو ڈیپارٹمنٹ کے لوگوں کو بھی تعینات کیا گیا ہے۔

جوشی مٹھ ہے چاردھام یاترا کا اہم پڑاؤ

بتا دیں کہ جوشی مٹھ چاردھام یاترا کا اہم پڑاؤ ہے۔ اس علاقے میں تودے گرنے کے واقعات مسلسل ہو رہے ہیں۔ جس کی وجہ سے مقامی لوگوں میں خوف و ہراس کا ماحول ہے۔ یہاں سینکڑوں گھروں میں دراڑیں پڑ گئی ہیں، لوگ خوفزدہ ہیں۔ صورتحال یہ ہے کہ بہت سے لوگ اپنا گھر بار چھوڑ کر دوسری جگہوں پر منتقل ہو گئے ہیں جب کہ کئی خاندان محفوظ مقام پر منتقل ہونے کی تیاری کر رہے ہیں۔

-بھارت ایکسپریس