Ballia Accident: بلیا میں اسکول کے بچوں سے بھری پک اپ کھڑے ٹرک سے ٹکرائی۔ ایک طالب ہلاک، 15 زخمی، دو کو وارانسی کیا گیا ریفر

بلیا: بلیا ضلع کے پھپنا تھانہ کے کپوری نارائن پور گاؤں کے قریب اسکولی بچوں سے لدی ایک پک اپ سڑک کے کنارے کھڑے ٹرک سے ٹکرا گئی۔ اس حادثے میں ایک طالب علم کی موت ہو گئی۔ رپورٹ کے مطابق اس حادثے میں 15 طلباء کے زخمی ہونے کی اطلاع ہے۔ مقامی لوگوں نے تمام زخمیوں کو فوری طور پر ضلع اسپتال پہنچایا۔ اطلاع ملتے ہی افسران بھی پولیس ٹیم کے ساتھ موقع پر پہنچ گئے۔

سڑک کے کنارے کھڑے ٹرک سے ٹکرائی پک اپ

سنیچر کی صبح ایک خالی پک اپ نرہی سے شہر کی طرف جارہی تھی۔ مالدے پور میں پھپنا چوراہے پر واقع ایک اسکول کے 16 طلبہ اس میں سوار ہو گئے۔ جیسے ہی پک اپ ٹاٹا موٹرس اور کپوری گاؤں کے درمیان پہنچی تو بے قابو ہو کر سڑک کے کنارے کھڑے ٹرک سے ٹکرا گئی۔

لوگوں نے زخمی بچوں کو باہر نکالا

اس کے بعد وہاں کہرام مچ گیا، آس پاس کے لوگوں نے زخمی بچوں کو باہر نکال کر علاج کے لیے اسپتال پہنچایا۔ واقعے کی اطلاع ملتے ہی بچوں کے گھر والے اور اسکول ٹیچر بھی اسپتال پہنچ گئے۔

بلیا کے پولیس سپرنٹنڈنٹ نے کیا کہا؟

بلیا کے پولیس سپرنٹنڈنٹ وکرانت ویر نے بتایا کہ یہ واقعہ پھپنا تھانہ علاقہ میں پیش آیا۔ پک اپ میں بچے سفر کر رہے تھے کہ وہ بے قابو ہو کر کھڑے ٹرک سے ٹکرا گئی۔ اس حادثے میں 15 بچے زخمی ہوئے ہیں جنہیں علاج کے لیے اسپتال لایا گیا ہے۔ ایک لڑکی کی موت ہو گئی ہے۔ زخمی ڈرائیور کو بھی علاج کے لیے یہاں لایا گیا ہے۔ فی الحال معاملے کی جانچ کی جا رہی ہے۔

اسکول جاتے وقت مانگی تھی لفٹ

ڈی ایم پروین کمار لکشکر نے بتایا کہ اسکول جاتے وقت سبھی نے لفٹ مانگ کر اس میں بیٹھے تھے۔ پک اپ بے قابو ہو کر کھڑے ٹرک سے ٹکرا گئی۔ ٹیم موقع پر پہنچ کر تمام زخمی طلباء کو اسپتال لے گئی۔ حادثے میں ایک طالب علم کی موت ہو گئی۔ تین کی حالت نازک ہے جبکہ دو کو وارانسی ریفر کر دیا گیا ہے۔ باقی بچے بلیا میں زیر علاج ہیں۔

بھارت ایکسپریس۔