Satellite Based Toll Collection: نتن گڈکری نے ٹول سسٹم کو لے کر لیا بڑا فیصلہ، موجودہ نظام کا کیا خاتمہ ، جانئے کیا ہے ٹول وصو لی کا نیا نظام

ایک بڑا فیصلہ لیتے ہوئے سڑک ٹرانسپورٹ کے مرکزی وزیر نتن گڈکری نے موجودہ ٹول سسٹم کو ختم کر دیا ہے۔ اس کے ساتھ سیٹلائٹ ٹول وصولی کا نظام شروع کرنے کا اعلان کیا گیا ہے۔ انہوں نے آج جمعہ (26 جولائی) کو کہا کہ حکومت ٹول کو ختم کر رہی ہے اور جلد ہی سیٹلائٹ پر مبنی ٹول وصولی کا نظام شروع کیا جائے گا۔

راجیہ سبھا میں تحریری جواب دیتے ہوئے انہوں نے یہ بھی کہا تھا کہ سڑک ٹرانسپورٹ اور شاہراہوں کی وزارت گلوبل نیویگیشن سیٹلائٹ سسٹم (جی این ایس ایس) کو لاگو کرنے جا رہی ہے۔ فی الحال یہ صرف منتخب ٹول پلازوں پر ہوگا۔ اس سے قبل، نیوز ایجنسی اے این آئی سے بات کرتے ہوئے نتن گڈکری نے کہا تھا، “اب ہم ٹول کو ختم کر رہے ہیں اور سیٹلائٹ پر مبنی ٹول وصولی کا نظام ہوگا، آپ کے بینک اکاؤنٹ سے رقم کاٹی جائے گی اور فیس آپ کے فاصلے کے حساب سے وصول کی جائے گی۔  “اس سے وقت اور پیسے کی بچت ہوگی۔ پہلے ممبئی سے پونے جانے میں 9 گھنٹے لگتے تھے۔ اب یہ گھٹ کر 2 گھنٹے رہ گئے ہیں۔”

نتن گڈکری نے پچھلے سال ہی نئے نظام کے بارے میں جانکاری دی تھی۔

اس سے پہلے دسمبر میں نتن گڈکری نے اعلان کیا تھا کہ نیشنل ہائی ویز اتھارٹی آف انڈیا (NHAI) کا مقصد مارچ 2024 تک اس نئے نظام کو نافذ کرنا ہے۔ ورلڈ بینک کو ٹول پلازوں پر عمل کو ہموار کرنے اور انتظار کے اوقات کو کم کرنے کی کوششوں کے بارے میں آگاہ کیا گیا ہے۔ FASTag کے متعارف ہونے کے بعد، ٹول پلازوں پر انتظار کے اوسط وقت میں نمایاں کمی آئی ہے۔

بھارت ایکسپریس۔