MLA Dr Rajeshwar Singh : اتر پردیش سے بی جے پی کے رکن اسمبلی راجیشور سنگھ نے مولانا کلب جواد کے بیان پر کی تنقید

اتر پردیش کے دارالحکومت لکھنؤ میں مولانا کلب جواد کی قیادت میں ایک اجلاس کا انعقاد کیا گیا جس میں اسرائیل کے ہاتھوں جاں بحق ہونے والے حزب اللہ کے سربراہ نصر اللہ کو خراج عقیدت پیش کیا گیا اور اسرائیل کو انسانیت کا دشمن قرار دیا گیا۔

مسلم مذہبی رہنماؤں کی طرف سے منعقد کی گئی اس میٹنگ کے بعد سروجنی نگر کے بی جے پی ایم ایل اے ڈاکٹر راجیشور سنگھ نے ایکس پر ایک پوسٹ شیئر کی ہے۔ جس میں انہوں نے لکھا ہے کہ ’’کاش تمام مسلمان علماء اکٹھے ہو کر اسلامی ممالک  کی مجموعی صورتحال پر اپنی آوام بلند کرتے۔

بی جے پی رکن اسمبلی ڈاکٹر راجیشور سنگھ نے کہا کہ بہتر ہوتا اگر مسلم مذہبی لیڈران عالمی پیمانہ  بالخصوص مسلم ممالک میں پائی جانے والی خامیوں کی نشاندہی کرتے ، ان خامیوں کو اجاگر کرتے اور مجموعی طورپر پیش آرہے مسائل کے حل کی طرف توجہ دیتے۔

بھارت ایکسپریس۔