Mahant Raju Das Vs Swami Prasad Maurya: ’’ان کا منھ گدا سے توڑا جا ئے گا، سوامی پرساد موریہ کے پران پرتشٹھا متعلق دیئے گئے قابل اعتراض بیان پر مہنت راجو داس کا بیان…‘‘

سماج وادی پارٹی کے لیڈر سوامی پرساد موریہ  متنازعہ بیان دینے سے باز نہیں آرہے ہیں۔ انہوں نے رام مندر پران پرتشٹھا کو لے کر قابل اعتراض  باتیں کہیں۔ جس کے بعد سوشل میڈیا پر لوگ سوامی پرساد موریہ کو تنقید کا نشانہ بنا رہے ہیں۔ ادھر ایودھیا میں ہنومان گڑھی کے مہنت راجوداس نے بھی سوامی پرساد موریہ کے بیان پر سخت اعتراض ظاہر کیا۔ مہنت راجوداس نے کہا کہ ایسے لیڈر پاگل ہو چکے ہیں، سناتن دھرم والوں کو گدی سے منہ توڑ دینا چاہیے۔

مہنت راجوداس کا ایک ڈیڑھ منٹ کا ویڈیو منظر عام پر آیا ہے، جس میں وہ ہندوؤں پر زور دے رہے ہیں کہ وہ سماجوادی پارٹی لیڈر سوامی پرساد موریہ کو سبق سکھائیں، جنہوں نے سناتن دھرم کے بارے میں قابل اعتراض باتیں کہی تھیں۔ مہنت راجوداس نے کہا، ’’ہمارے پاس سوامی پرساد موریہ کے لیے ایک ہی جواب ہے۔ سناتنیوں سے میری اپیل ہے کہ سوامی پرساد موریہ کے منھ کو گدا سے توڑا جائے۔ تب ہی مانیں گے، ورنہ وہ نہیں مانیں گے۔