Karnataka: بچوں سے سیپٹک ٹینک صاف کرانے پر اسکول پرنسپل اور ٹیچر گرفتار

Karnataka: کرناٹک کے مورارجی دیسائی رہائشی اسکول سے اسکولی بچوں کو سیپٹک ٹینک میں اتار کر صاف کرانے کا ایک چونکا دینے والا واقعہ سامنے آیا ہے۔ یہ معاملہ سامنے آنے کے بعد اسکول کے پرنسپل اور 2 اساتذہ کو معطل اور 4 کنٹریکٹ اسٹاف کو نوکریوں سے فارغ کر دیا گیا ہے۔ اس واقعے کی ویڈیو سوشل میڈیا پر وائرل ہو رہی ہے۔

یہ واقعہ کولار کے مرارجی دیسائی رہائشی اسکول میں پیش آیا۔ اس اسکول میں 6ویں سے 10ویں جماعت تک 19 طالبات سمیت کل 243 طلباء پڑھتے ہیں۔ الزام ہے کہ پرنسپل اور ٹیچر نے 4 سے 5 بچوں سے ان کے  ہاتھوں سے سیپٹک ٹینک کی صفائی کروائی جو کہ قانوناً جرم ہے۔

یہ بھی پڑھیں- Gyanvapi Masjid ASI Survey Case: گیان واپی مسجد کے تہہ خانہ میں کیا ملا؟ اے ایس آئی کی سروے رپورٹ کی جائے گی عدالت میں پیش

وزیر اعلیٰ سدھارمیا کی مداخلت کے بعد پرنسپل بھرتما اور ٹیچر منیاپا کو گرفتار کر لیا گیا ہے۔ اسی اسکول میں طلبہ کو سخت سزا دینے کی ویڈیو بھی منظر عام پر آئی ہے۔ کئی طالب علموں کو پیٹھ پر اسکول بیگ لے کر میدان میں چلنے کی سزا دی جا رہی ہے۔ اس دوران ایک طالب علم کو بے ہوش ہوتے بھی دیکھا جا سکتا ہے۔

-بھارت ایکسپریس