ISIS suspected terrorist Shahnawaz arrested: دہلی پولیس کے اسپیشل سیل نے آئی ایس آئی ایس کےمشتبہ دہشت گرد شاہنواز کو دو ساتھیوں کے ساتھ کیا گرفتار

دہلی پولیس کے اسپیشل سیل نے مشتبہ آئی ایس آئی ایس دہشت گرد شاہنواز عرف شفیع اور اس کے دو ساتھیوں محمد رضوان اشرف اور محمد ارشد وارثی کو گرفتار کیا ہے۔ این آئی اے کافی دنوں سے شاہنواز کی تلاش میں تھی، اس پر 3 لاکھ روپے کے انعام کا اعلان بھی کیا گیا تھا۔ شاہنواز اصل میں جھارکھنڈ کے ہزاری باغ ضلع کے پیلاول کا رہنے والا ہے۔ شاہنواز نے گجرات کی رہنے والی بسنتی پٹیل نامی خاتون سے شادی کی۔ شاہنواز پرالزام ہے کہ شادی کے بعد اس نے اپنی بیوی کا مذہب تبدیل کرایا اور اس کا نام مریم رکھ دیا۔ شاہنواز اور اس کے ساتھی دہشت گردوں کی سازش شمالی ہندوستان کو دہشت زدہ کرنا تھی۔ یہی نہیں ان  مشتبہ دہشت گردوں پر یہ بھی الزام ہے کہ انہوں نے پونے کے جنگلات میں بم دھماکوں کی مشق بھی کی تھی۔

شاہنوازعرف شفیع الزماں کون ہے؟ 

مشتبہ دہشت گرد شاہنواز پیشے کے لحاظ سے انجینئر ہے۔ پولیس نے شاہنواز اور اس کے ساتھیوں سے قابل اعتراض اشیاء برآمد کر لی ہیں۔ اسے پونے پولیس نے موٹرسائیکل چوری کرنے کی کوشش کرتے ہوئے گرفتار کیا تھا۔ تفتیش سے معلوم ہوا کہ وہ دہشت گردوں سے رابطے میں تھا۔ آئی ایس آئی ایس ماڈیول پر دہشت گردانہ سرگرمیوں سے منسلک ہونے کا الزام ہے۔ دہشت گرد سے بم بنانے کے مواد کے علاوہ کیمیائی مواد بھی برآمد ہوا ہے۔