ED Official Attack: بنگال میں ای ڈی کی ٹیم پر حملہ کے تعلق سے ہائی کورٹ کی ہدایت،سی بی آئی اور پولیس کی مشترکہ ایس آئی ٹی کرے گی جانچ

مغربی بنگال میں ای ڈی افسران پر حملے کےتعلق سے  کلکتہ ہائی کورٹ نے بدھ (17 جنوری) کو حکم دیا کہ اس معاملے کی جانچ سی بی آئی اور پولیس کی ایس آئی ٹی سے کرائی جائے۔

ہائی کورٹ نے یہ بھی کہا کہ بنگال پولیس کی ایس آئی ٹی ٹیم جلد از جلد تشکیل دی جائے۔ دراصل، ای ڈی نے ہائی کورٹ میں ایک عرضی داخل کرتے ہوئے مطالبہ کیا تھا کہ بنگال پولس جانچ میں سست روی کا مظاہرہ کر رہی ہے۔ ایسے میں افسران پر ہجوم کے حملے کی تحقیقات ریاستی پولیس سے لے کر سی بی آئی کو سونپ دی جانی چاہئے۔

ای ڈی نے کیا کہا؟

حملے کے بارے میں ای ڈی نے کہا تھا کہ جب وہ شمالی 24 پرگنہ ضلع کے سندیشکھلی میں ٹی ایم سی لیڈر شاہجہان شیخ کے احاطے کی تلاشی لینے گئے تھے تو اس حملے میں ان کے تین اہلکار زخمی ہو گئے۔ اس دوران سامان بھی لوٹ لیا گیا۔

ای ڈی نے ایک بیان جاری کرتے ہوئے کہا تھا، ’’ہم مغربی بنگال کے پی ڈی ایس گھوٹالہ معاملے میں شمالی 24 پرگنہ کے ٹی ایم سی کنوینر شاہجہان شیخ کے 3 احاطوں کی تلاشی لے رہے تھے۔ اس دوران 800-1000 لوگوں نے ایک کمپلیکس میں ای ڈی ٹیم اور سی آر پی ایف اہلکاروں کو مارنے کی نیت سے حملہ کیا، کیونکہ یہ لوگ لاٹھی، پتھر اور اینٹوں جیسے ہتھیاروں سے لیس تھے۔

بی جے پی اور ٹی ایم سی کے درمیان بیان بازی ہوئی۔

بی جے پی نے اس معاملے کو لے کر مغربی بنگال حکومت کو نشانہ بنایا تھا۔ مرکزی وزیر مملکت برائے داخلہ نشیتھ پرمانک نے کہا تھا کہ ریاستی حکومت کو مرکزی تفتیشی ایجنسی کے افسران کو تحفظ فراہم کرنا چاہیے، لیکن مغربی بنگال میں ایسا نہیں ہوا۔

اس کے بارے میں ٹی ایم سی لیڈر ششی پنجا نے جوابی حملہ کرتے ہوئے کہا کہ نشیتھ  بول رہے ہیں، لیکن مرکزی حکومت نے مغربی بنگال کے واجبات ادا نہیں کیے ہیں۔