Haryana: ہریانہ کے سابق سی ایم بھوپندر سنگھ ہڈا حادثے میں بال بال بچے، نیل گائے سے ٹکرا گئی کار

Haryana:  ہریانہ کے سابق وزیر اعلی بھوپندر سنگھ ہڈا آج ایک بڑے حادثے سے بال بال بچ گئے۔ موصولہ اطلاعات کے مطابق ان کی کار اتوار کی دوپہر حصار ضلع کے متلوڈا گاؤں کے قریب حادثے کا شکار ہوگئی۔ حادثے میں بھوپیندر سنگھ ہڈا کی لگژری گاڑی کا اگلا حصہ بری طرح سے تباہ ہو گیا۔ ان کے علاوہ سابق ایم ایل اے نریش سیلوال، سابق مرکزی وزیر جے پرکاش اور سینئر لیڈر دھرم ویر گویت بھی سابق وزیر اعلیٰ بھوپندر سنگھ ہڈا کی گاڑی میں سوار تھے۔ حادثے کے بعد سبھی محفوظ بتائے جا رہے ہیں۔

ایک پروگرام میں شرکت کے لیے جارہے تھے سابق وزیراعلیٰ

بھوپیندر ہڈا، جو اس حادثے میں بال بال بچ گئے، حصار کے گھیرائے گاؤں میں منعقد ایک تقریب میں شرکت کے لیے جا رہے تھے۔ جس میں انہیں عالمی چیمپئن باکسر سویٹی بورا کا اعزاز دینا تھا۔ لیکن اس سے پہلے یہ حادثہ ہو گیا۔

نیل گائے سے ٹکرا ئی کار

موصولہ اطلاع کے مطابق جب سابق وزیر اعلیٰ کا قافلہ حصار ضلع کے گاؤں متلودا کے قریب جا رہا تھا تو اچانک ایک نیل گائے سڑک پر ان کی کار کے سامنے آ گئی اور کار سے ٹکرا گئی، جس کی وجہ سے یہ حادثہ پیش آیا۔ حصار پولیس کے مطابق واقعے میں تمام افراد بال بال بچ گئے ہیں۔ اس اچانک حادثے کی وجہ سے ان کی لگژری ایس یو وی کے اگلے دو ایئر بیگ کھل گئے اور کار میں سوار افراد محفوظ رہے۔ ایئر بیگز کی وجہ سے سب محفوظ بتائے جا رہے ہیں۔ تاہم اس حادثے میں کار کو کافی نقصان پہنچا ہے۔

یہ بھی پڑھیں– UP News: ہریانہ سے بہار لے جائی جا رہی ایک کروڑ مالیت کی غیر قانونی شراب سے بھرا ٹرک پولیس نے پکڑا، لہسن کی بوریوں کے نیچے چھپائے گئے تھے ڈبے

دوسری گاڑی میں بیٹھ کر پنڈال کی طرف ہوئے روانہ

حادثے کے بعد لگژری ایس یو وی میں بیٹھے سبھی لوگ دوسری گاڑی میں سوار ہو کر گاؤں گھیرئے کے مقام کی طرف روانہ ہو گئے۔ بتایا جا رہا ہے کہ سابق وزیر اعلیٰ ہڈا کے قافلے میں پائلٹ گاڑی کے علاوہ 4-5 گاڑیاں شامل تھیں۔ بھوپیندر ہڈا اور سبھی لیڈر اتوار کی صبح حصار ضلع کے بنبھوری گاؤں میں پارٹی کارکن کے گھر چائے پینے گئے تھے۔ جس کے بعد ان کا قافلہ تقریب میں شرکت کے لیے گاؤں گھیرئے کی طرف روانہ ہوا۔

-بھارت ایکسپریس