DMK MP Dayanidhi Maran: ڈی ایم کے لیڈر دیاندھی مارن کا شمالی ہندوستانیوں کے متعلق متنازعہ بیان – کہا’یہ لوگ تمل ناڈو میں بیت الخلا صاف کرتے ہیں’

: تمل ناڈو میں حکمراں جماعت ڈی ایم کے کے لیڈروں کے برے الفاظ کا سلسلہ تھمنے کا نام نہیں لے رہا۔ اب ڈی ایم کے ایم پی دیاندھی مارن کا شمالی ہندوستانیوں کو لے کر متنازعہ بیان سامنے آیا ہے۔ دیاندھی مارن نے کہا، ’’جو لوگ صرف ہندی سیکھتے ہیں، جیسے یوپی، بہار کے لوگ، وہ تمل ناڈو آتے ہیں اور سڑکیں اور بیت الخلاء صاف کرتے ہیں…‘‘

بی جے پی کے ترجمان گورو بھاٹیہ کا کہنا ہے کہ ڈی ایم کے ایم پی دیاندھی مارن نے یوپی اور بہار کے لوگوں کی توہین کی ہے۔ بھاٹیہ کے مطابق، “ڈی ایم کے کے ایم پی دیاندھی مارن نے کہا – ہندی بولنے والے ہمارے لیے سڑکیں صاف کر رہے ہیں اور بیت الخلا صاف کر رہے ہیں۔”

بہار سے بی جے پی ایم پی گری راج سنگھ نے ٹویٹ کیا، “کیا نتیش کمار اور لالو یادو ہندی بولنے والوں کے بارے میں اپنے اتحادی پارٹنر کی رائے سے متفق ہیں؟ انہیں یہ واضح کرنا چاہئے کہ ڈی ایم کے اور انڈیا بلاک کو ہندی بولنے والوں سے اتنی نفرت کیوں ہے؟

اس سے قبل پارلیمنٹ کے سرمائی اجلاس کے دوران ڈی ایم کے کے رکن پارلیمنٹ سینتھل کمار نے بھی شمالی ہندوستان کی ریاستوں کو گائے کے پیشاب والی ریاستیں قرار دیا تھا۔