چھتیس گڑھ کے بیجاپور میں انکاؤنٹر۔ فائل فوٹو
بیجاپور: چھتیس گڑھ کے نکسل متاثرہ بیجاپور ضلع میں بدھ کے روز سیکورٹی فورسز نے ایک انکاؤنٹر میں دو خواتین نکسلیوں سمیت چھ نکسلیوں کو ہلاک کر دیا۔ پولیس حکام نے یہ جانکاری دی۔ بستر علاقے کے انسپکٹر جنرل آف پولیس سندرراج پی نے کہا کہ باسا گوڑا تھانہ علاقے کے تحت چپوربھٹی گاؤں کے نزدیک تلپیرو ندی کے کنارے جنگلات میں ہونے والے ایک تصادم میں سیکورٹی فورسز نے چھ نکسلیوں کو ہلاک کر دیا ہے، جن میں دو خواتین نکسلائٹس بھی شامل ہیں۔
سندرراج نے کہا کہ نکسل مخالف آپریشن کے ایک حصے کے طور پر باسا گوڑا تھانہ علاقے کے تحت سیکورٹی فورسز کو روانہ کیا گیا تھا۔ آپریشن میں ڈسٹرکٹ ریزرو گارڈ (DRG)، سنٹرل ریزرو پولیس فورس اور اس کی ایلیٹ یونٹ CoBRA (کمانڈو بٹالین فار ریزولیوٹ ایکشن) کے اہلکار شامل تھے۔
انہوں نے بتایا کہ جب ٹیم علاقے کے چپوربھٹی گاؤں کے نزدیک تلپیرو ندی کے کنارے پہنچی تو پلاٹون نمبر 10 کے نکسلیوں نے سیکورٹی فورسز پر فائرنگ شروع کردی۔ اس کے بعد سیکورٹی فورسز نے بھی جوابی کارروائی کی۔
پولیس افسر نے بتایا کہ فائرنگ بند ہونے کے بعد جب سیکورٹی فورسز نے جائے وقوعہ کی تلاشی لی تو موقع سے دو خواتین سمیت چھ نکسلیوں کی لاشیں اور بھاری مقدار میں ہتھیار اور دھماکہ خیز مواد برآمد ہوا۔ مارے گئے نکسلیوں کی شناخت نہیں ہوپائی ہے۔ انہوں نے کہا کہ انکاؤنٹر میں کئی دیگر نکسلیوں کے زخمی ہونے کی اطلاع ہے۔ علاقے میں سرچ آپریشن جاری ہے۔
بتا دیں کہ بیجاپور ضلع بستر لوک سبھا حلقہ میں ہے، جہاں 19 اپریل کو لوک سبھا انتخابات کے پہلے مرحلے میں ووٹنگ ہوگی۔
بھارت ایکسپریس۔
خط میں وزیر اعظم مودی سے اپیل کرتے ہوئے کہا گیا کہ جیسا کہ آپ…
پونے کے لوناوالا میں ایک خوفناک حادثے میں ایک پورا خاندان پانی کے تیز دھارے…
سی بی آئی کی پوچھ گچھ کے دوران، تقریباً سبھی ملزمین نے سنجیو کمار عرف…
بی جے پی کی سینئر لیڈر اوما بھارتی نے گوالیار سے بھوپال جاتے ہوئے شیو…
بی سی سی آئی کے سکریٹری جے شاہ نے ٹویٹ میں لکھا - مجھے یہ…
رویندر جڈیجہ نے انسٹاگرام پر پوسٹ کرکے اپنی ریٹائرمنٹ کی معلومات دی تھی۔ اس پوسٹ…