راجستھان کی تمام 25 سیٹوں پر دو مرحلوں میں ووٹنگ مکمل ہو چکی ہے۔ اب ریاست کے سابق نائب وزیر اعلی سچن پائلٹ سمیت کانگریس کے سبھی سینئر لیڈران مختلف ریاستوں میں اس محاذ کی قیادت کر رہے ہیں۔ ادھر دہلی کے چھتر پور اسمبلی حلقہ میں ایک عوامی ریلی سے خطاب کرتے ہوئے کانگریس لیڈر سچن پائلٹ نے ‘انڈیا’ اتحاد کو لے کر بڑا بیان دیا ہے۔ اس کے ساتھ ہی بی جے پی کو بھی نشانہ بنایا گیا ہے۔
سچن پائلٹ نے کہا کہ ‘ہم سب مختلف پارٹیوں سے ہیں۔ جب بھی کوئی ڈیل یا اتحاد ہوتا ہے تو یہ کوئی آسان کام نہیں ہوتا۔ کوئی بھی جماعت اپنی سیاسی گرفت چھوڑنا نہیں چاہتی۔ کانگریس ہو یا عام آدمی پارٹی ، ہم نے اپنے تمام اختلافات بھلا کر یہ اتحاد بنایا ہے اور ملک کے لیے سیٹیں تقسیم کی ہیں اور 4 جون کو انڈیا اتحاد کو جیتنا ہے۔ پھر کوئی فرق نہیں پڑتا کہ ہم تین لڑیں، آپ چار لڑیں۔
انہوں نے مزید کہا کہ ‘بی جے پی لیڈر اپنی تقریروں میں کہتے ہیں کہ این ڈی اے 300، 400، 500 کو پار کر رہے ہیں، جب آپ چار سو پار کر رہے ہیں تو پھرآپ الیکشن کیوں کروا رہے ہیں۔ جن ریاستوں میں بی جے پی اور کانگریس کے درمیان سیدھا مقابلہ ہے، وہاں کانگریس بی جے پی سے زیادہ سیٹیں حاصل کرے گی۔ آپ کو بتا دیں کہ دہلی کی سات لوک سبھا سیٹوں پرپچیس مئی کو ووٹنگ ہوگی۔ جبکہ نتائج کا اعلان 4جوکووٹوں کی گنتی کے بعد کیا جائے گا۔
اس سے پہلے سچن پائلٹ نے دعویٰ کیا تھا کہ راجستھان میں کانگریس بی جے پی سے زیادہ سیٹیں جیتے گی۔ اس کے علاوہ یوپی میں انڈیا اتحاد کو اکثریت ملے گی۔ پائلٹ نے ہریانہ میں 7-8 سیٹیں جیتنے کا دعویٰ کیا ہے۔ انہوں نے کہا کہ ہم بہار اور مہاراشٹر میں زیادہ تر سیٹیں جیتیں گے۔
بھارت ایکسپریس۔
صدر جمہوریہ، نائب صدر ہند، پی ایم مودی ،امت شاہ ،راہل گاندھی ،اکھلیش یادو، پرینکا…
بتادیں کہ پی ایم مودی نے ہاتھرس میں پیش آنے والے واقعہ پر غم کا…
اب ایک مشہوراداکارہ نے اپنے ساتھ ہوئی کاسٹنگ کاؤچ سے متعلق بڑا انکشاف کیا ہے۔…
القادر ٹرسٹ معاملے میں عمران خان کی اہلیہ بشریٰ بی بی کو ضمانت مل گئی…
پی ایم مودی نے کہا کہ کرناٹک، یوپی اور راجستھان میں پچھلی بار کے مقابلے…
انجینئر رشید نے لوک سبھا رکن پارلیمنٹ کے طور پر حلف لینے کے لئے عبوری…