ENBA Awards 2024 : ای این بی اے ایوراڈ میں بھارت ایکپریس کا جلوہ! اسٹنگ شو ‘آپریشن گرہن’ کے لیے بہترین کوریج ایوارڈ، سی ایم ڈی اوپیندر رائے کو اعزاز سے نوازا گیا

بھارت ایکسپریس نیوز نیٹ ورک کے صحافیوں کو آج قومی دارالحکومت دہلی میں میڈیا فار میڈیا کے نیوز نیکسٹ 2024 پروگرام میں اعزاز سے نوازا گیا۔ بھارت ایکسپریس کے خصوصی اسٹنگ شو ‘آپریشن گرہن’ کے لیے ای این بی اے ایوارڈ حاصل کیا۔ اس پروگرام کے دوران بھارت ایکسپریس نیوز نیٹ ورک کے چیئرمین، ایم ڈی اور ایڈیٹر ان چیف اوپیندر رائے کو بھی اعزاز سے نوازا گیا۔ سماجی مسائل کی بہترین کوریج پر انہیں بے حد سراہا گیا۔

نیوز نیکسٹ 2024 پروگرام کے اختتام کے موقع پر میڈیا کی دنیا کے نامور چہروں کی موجودگی میں کئی صحافیوں کو اعزازات سے نوازا گیا۔ بھارت ایکسپریس نیوز نیٹ ورک کی اینکر ادیتی تیاگی کو بہترین سالانہ پرائم شو ہندی کے لیے ایوارڈ دیا گیا۔ یہ ایوارڈ تقریب ہفتہ، 30 مارچ کو قومی دارالحکومت نئی دہلی کے امپیریل ہوٹل میں ‘ایکسچینج 4 میڈیا’ کے نیوز نیکسٹ 2024 پروگرام کے دوران منعقد کی گئی۔

ای این بی اے نیوز براڈکاسٹنگ ایوارڈز کے 16ویں ایڈیشن کے فاتحین کا اعلان کر دیا گیا۔ای این بی اے ایوارڈز کو ملک کے معروف نیوز/ٹی وی ایوارڈز کے طور پر تسلیم کیا جاتا ہے۔ ای این بی اے ایوارڈز کا بنیادی مقصد ہندوستان میں ٹیلی ویژن کی خبروں کی کوریج میں عمدگی کا اعزاز دینا ہے۔

اس پروگرام میں میڈیا انڈسٹری کے بڑے بڑے چہرے نظر آئے۔ بھارت ایکسپریس نیوز نیٹ ورک کے علاوہ انڈیا ٹوڈے کے راجدیپ سردیسائی، برکھا دت، راہل کنول، رابندر نارائن، سمیت اوستھی، دیپک چورسیا، جناردن پانڈے، رانا یشونت، انجنا اوم کشیپ اور سدھیر چودھری جیسے سینئر صحافی پہنچے۔