کیا یوپی میں آئے گی بڑی تبدیلی؟ بی جے پی کے ساتھ آر ایس ایس کی میٹنگ، ان 5 لیڈروں کو میٹنگ میں رہنے کو کہا گیا
UP Budget 2023: یو پی اسمبلی میں مالی سال 2022-23 کے لئے بجٹ پیش کیا گیا۔ اتر پردیش کے وزیر خزانہ سریش کھنہ نے آج بدھ کے روز اسمبلی میں بجٹ پیش کیا۔ آج پیش کردہ بجٹ پر تمام اپوزیشن جماعتوں نے اپنا رد عمل ظاہر کیا ہے۔ اسی دوران اس بجٹ کے بعد وزیر اعلیٰ یوگی آدتیہ ناتھ نے میڈیا سے خطاب کیا ۔ میڈیا سے خطاب کے دوران وزیر اعلیٰ نے کہا کہ بجٹ میں انفراسٹرکچر پر زور دیا گیا ہے۔ اس سے روزگار کے مواقع پیدا ہوں گے۔ اس کے ساتھ انہوں نے کہا کہ اس بار پیش ہوئے بجٹ کا دائرہ 6 لاکھ 90 ہزار کروڑ روپے ہے۔
ایکس پریس وے پر ہو رہا ہے کام
انہوں نے کہا کہ ہمارے پاس پہلے ہی پانچ ایکسپریس وے چل رہے ہیں اور گورکھپور لنک ایکسپریس وے اور گنگا ایکسپریس وے پر کام جنگی بنیادوں پر جاری ہے۔ اس کے بعد انہوں نے بتایا کہ وزیر خزانہ کا جھانسی لنک ایکسپریس وے کو چترکوٹ سے جوڑنے کا منصوبہ ہے۔ اس کے علاوہ انہوں نے گورکھپور لنک ایکسپریس وے کوریڈور کے بارے میں بھی بات کی۔
یہ بھی پڑھیں- UP Budget 2023: اکھلیش کی کالی شیروانی پر یوگی کے وزیر نندی نے کہا- ایس پی کو پسند نہیں ترقی کی روشنی
عوام پر نہیں لگایا کوئی ٹیکس
وزیر اعلیٰ یوگی آدتیہ ناتھ نے یہ بھی کہا کہ ہم نے عوام پر کسی بھی طرح کا کوئی نیا ٹیکس نہیں لگایا ہے۔ اس کے باوجود بھی ہم نے بجٹ کا دائرہ بڑھا دیا ہے۔ دوسری جانب بجٹ کے حوالے سے یوپی حکومت کا کہنا ہے کہ ریونیو بڑھانے کے ساتھ ساتھ پیٹرول اور ڈیزل پر VAT بھی کم کیا گیا ہے۔
ایودھیا کو ایک ماڈل سولر سٹی کے طور پر تیار کیا جائے گا
اس دوران وزیر اعلیٰ نے رام نگری ایودھیا کا بھی ذکر کیا۔ انہوں نے کہا کہ ایودھیا کو ایک ماڈل سولر سٹی کے طور پر تیار کیا جائے گا اور دیگر میونسپل کارپوریشنوں کو ایودھیا کے خطوط پر ترقی دی جائے گی۔ اس کے علاوہ انہوں نے بندیل کھنڈ کے لیے پیش کی گئی اسکیموں کا بھی ذکر کیا۔ ساتھ ہی آگرہ اور وارانسی کو ترقی کے لیے سائنس سٹی بنانے کی بھی بات ہوئی۔ انہوں نے 2025 میں منعقد ہونے والے مہاکمبھ کے لیے فنڈز مختص کرنے کے بارے میں بھی بات کی ہے۔
سب کا ساتھ سب کا وکاس
سی ایم یوگی نے کہا کہ یوپی ملک کی سب سے زیادہ آبادی والی ریاست ہے۔ بجٹ ایک خاص تھیم، سب کا ساتھ، سب کا وکاس، سب کا وشواس اور سب کا پریاس کی سمت میں پیش کیا گیا ہے۔
-بھارت ایکسپریس
رام بھدراچاریہ نے اس موقع پر رام مندر کے حوالے سے کئی اہم باتیں کہی…
راشٹریہ لوک دل کے سربراہ اورمرکزی وزیرجینت چودھری نے پارٹی لیڈران پرسخت کارروائی کی ہے۔…
دہلی اسمبلی الیکشن کے لئے بی جے پی نے امیدواروں کے ناموں پر غوروخوض تقریباً…
ذرائع نے انکشاف کیا ہے کہ سوربھ شرما کے اکاؤنٹ کی تمام تفصیلات ان کے…
پی ایم مودی نے اپنے خطاب میں کہا کہ آج ہندوستان موبائل مینوفیکچرنگ میں دنیا…
صدر جمعیۃ علماء ہند مولانا محمود اسعد مدنی نے کامیاب پیروی پر وکلاء کی ستائش…