Coronavirus Cases: بھارت میں کورونا کے 24 گھنٹے میں 10 ہزار کے قریب کیسز، موت کا ڈیٹا بڑھ رہا

Coronavirus Cases: بھارت میں کورونا وائرس کے کیسزمیں مسلسل اضافہ ہورہا ہے۔ بدھ 26 اپریل کو مرکزی وزارت صحت کی طرف سے جاری کردہ اعداد و شمار کے مطابق، بھارت میں گزشتہ 24 گھنٹوں میں کورونا وائرس کے 9,629 نئے کیسز درج ہوئے ہیں۔  قابل ذکر بات یہ ہے کہ اس کے ساتھ ہی 29 نئی اموات کے بعد ہندوستان میں کووڈ کی وجہ سے جان گنوانے والوں کی تعداد بڑھ کر 5,31,398 ہو گئی ہے۔

گزشتہ 24 گھنٹوں میں دہلی میں 1095 نئے کیسز اور 6 اموات درج کی گئیں۔ دارالحکومت میں مثبت کی شرح 22.74 فیصد ہے۔ اس سے ایک دن پہلے دارالحکومت میں کورونا انفیکشن کے 689 نئے کیس سامنے آئے تھے اور تین لوگوں کی موت واقع ہوگئی تھی۔

ایک دن میں ہونے والی کل 29 اموات میں سے، دہلی میں چھ، مہاراشٹر اور راجستھان میں تین تین، ہریانہ اور اتر پردیش میں دو دو اور اڈیشہ، گجرات اور چھتیس گڑھ میں ایک ایک موت کی اطلاع موصول ہوئی ہیں ۔ قابل ذکر بات یہ ہے کہ اس کے ساتھ ہی صرف کیرالہ میں کووڈ وائرس کے 10 مریضوں کی موت واقع ہوچکی ہے ۔ کوووڈ کے فعال کیسوں کی تعداد بڑھ کر 61,013 ہوگئی ہے۔

آج نوئیڈا میں کورونا انفیکشن کے 106 نئے مریض پائے گئے ہیں، جب کہ 24 گھنٹوں کے اندرعلاج کے دوران 159 مریض صحت یاب ہو چکے ہیں۔ ڈسٹرکٹ سرویلنس آفیسر ڈاکٹر امیت کمار نے کہا کہ ضلع میں فعال مریضوں کی تعداد کم ہو کر 670 ہو گئی ہے۔ یہاں کے مختلف اسپتالوں میں 28 مریض زیر علاج ہیں۔

میڈیا رپورٹس کے مطابق سب سے زیادہ کیس گوتم بدھ نگر سے آئے ہیں۔ اب تک یہاں 107 کیسز پائے گئے ہیں، جب کہ لکھنؤ میں 104 نئے مریض، غازی آباد میں 64، میرٹھ اور گورکھپور میں 20 نئے مریض پائے گئے ہیں۔ یہاں صحت یابی کی شرح 98.7 فیصد ہے۔ اب مثبت کی شرح 1.63 فیصد ہے۔ اس کے ساتھ ہی 48,343 لوگوں کا کورونا ٹیسٹ کیا گیا۔

ان اضلاع میں ہوئیں اموات

گوتم بدھ نگر اور شاملی میں کورونا سے ایک ایک مریض کی موت کا معاملہ سامنے آیا ہے۔ قابل ذکر بات یہ ہے کہ جیسے ہی کورونا انفیکشن دوبارہ بڑھ گیا ہے، یوگی حکومت نے افسران کو گائیڈ لائنز جاری کردی تھی۔ قابل ذکر بات یہ ہے کہ اس وجہ سے جہاں ایک طرف کیسز بڑھ رہے ہیں وہیں دوسری طرف کورونا وائرس سے متاثرہ افراد بھی ٹھیک ہو رہے ہیں۔ تمام کووڈ اسپتالوں میں آکسیجن پلانٹس اور وینٹی لیٹرز کو فعال کر دیا گیا ہے۔ ادویات کے لیے مناسب انتظامات کیے گئے ہیں، انٹیگریٹڈ کووڈ کمانڈ سینٹر کو فعال کر دیا گیا ہے۔ ڈاکٹروں اور پیرا میڈیکل اسٹاف کی مناسب تعداد کو تعینات کیا گیا ہے، جس کی وجہ سے فی الحال ریاست میں کورونا انفیکشن کنٹرول میں ہے۔