آسام میگھالیہ سرحد کے قریب پولیس فائرنگ میں چار افراد ہلاک
گوہاٹی، 22 نومبر (بھارت ایکسپریس): میگھالیہ کی سرحد کے قریب آسام کے مغربی کاربی آنگلونگ ضلع میں واقع ایک گاؤں میں منگل کو جھڑپوں کے بعد پولیس کی فائرنگ میں ایک فاریسٹ گارڈ سمیت کم از کم 6 افراد ہلاک ہو گئے۔ حکام نے بتایا کہ اس واقعہ میں کئی دیگر دیہاتیوں کے زخمی ہونے کی بھی خبر ہے۔
ویسٹ کاربی آنگلونگ کے پولیس سپرنٹنڈنٹ امداد علی نے بتایا کہ محکمہ جنگلات کے اہلکاروں نے صبح 3 بجے کے قریب ضلع کے الگ تھلگ مکرو گاؤں سے غیر قانونی لکڑی سے لدے ایک ٹرک کو روکا۔ جب فاریسٹ گارڈز غیر قانونی کھیپ کو ضبط کرنے کے لئے ٹرک کے قریب پہنچے تو انہوں نے فرار ہونے کی کوشش کی۔
گارڈ نے فائرنگ کر کے گاڑی کا ٹائر پنکچر کر دیا۔ گاڑی کے ڈرائیور اور ہیلپر سمیت تین افراد کو گرفتار کر لیا گیا لیکن دیگر موقع سے فرار ہونے میں کامیاب ہو گئے۔ اس کے بعد جنگلات کے اہلکاروں نے قریبی پولیس اسٹیشن جیریکنڈنگ کو اطلاع دی اور اضافی فورس کی درخواست کی۔ پولیس کے مطابق جب ایک ٹیم وہاں پہنچی تو میگھالیہ کے لوگوں کی بڑی تعداد نے ان پر تیز دھار ہتھیاروں سے “گھیراؤ” کر لیا۔
اہلکار نے کہا، “مشتعل ہجوم نے گرفتار افراد کی رہائی کا مطالبہ کیا۔ پرتشدد ہجوم پر قابو پانے کے لیے پولیس ٹیم کو گولی چلانا پڑی۔ فائرنگ میں ایک فاریسٹ ہوم گارڈ اور کھاسی برادری کے 5 افراد ہلاک ہو گئے۔” اسی دوران پولیس کی ایک اور ٹیم موقع پر پہنچ گئی۔ واضح رہے کہ گاؤں ضلع ہیڈ کوارٹر سے چھ گھنٹے کی مسافت پر ہے۔
اس حادثہ کے مد نظر سرکار نے میگھالیہ کے 7 اضلاع میں موبائل انٹرنیٹ سروسیز بند کر دی ہیں۔
بہار کے ضلع ویشالی میں راگھوپور کے قریب کشتی بے قابو ہو کر الٹ گئی۔…
کیشوپور، جنک پوری، روہنی، سونیا وہار اور منگول پوری سمیت کئی علاقوں میں خفیہ کیمرے…
دہلی پولیس نے جنتر منتر کے علاقے میں بغیر اجازت داخل ہونے کے الزام میں…
تجارت، توانائی، ٹیکنالوجی، سلامتی اور عوامی روابط سمیت اہم شعبوں میں ٹھوس نتائج حاصل کرنے…
وزیر اعظم نریندر مودی کے خلاف مبینہ ’چوکیدار چور ہے‘ تبصرے سے متعلق فوجداری ہتک…
رشی سونک نے سوشل میڈیا پر لکھا ہے کہ وزیر اعظم نریندر مودی، آج نئی…