Assam Road Accident: آسام کے گولا گھاٹ میں خوفناک سڑک حادثہ، بس اور ٹرک کے تصادم میں 12 افراد ہلاک اور 25 زخمی

Assam Road Accident:  آسام کے گولاگھاٹ ضلع میں ایک ہولناک حادثہ پیش آیا ہے۔ بس اور ٹرک کے درمیان تصادم میں 12 افراد ہلاک اور 25 زخمی ہوگئے۔ یہ حادثہ گولاگھاٹ کے ڈیرگاؤں کے قریب بالیجان علاقے میں صبح تقریباً 5 بجے پیش آیا۔ یہ جانکاری گولاگھاٹ کے ایس پی راجن سنگھ نے دی ہے۔

گولاگھاٹ ضلع پولیس نے بتایا کہ آج آسام کے گولاگھاٹ ضلع کے ڈیرگاؤں علاقے کے قریب ایک بس ایک ٹرک سے ٹکرا گئی، اس واقعہ میں کئی لوگوں کی موت ہوگئی اور دیگر زخمی ہوگئے۔

مخالف سمت سے آرہا تھا ٹرک

معلومات کے مطابق بس میں 45 افراد سوار تھے۔ جورہاٹ میڈیکل کالج اور اسپتال کے ایک سینئر ڈاکٹر نے صحافیوں کو بتایا کہ حادثے میں زخمی ہونے والے 30 افراد کا علاج چل رہا ہے۔

یہ بھی پڑھیں- Horrific fire in Delhi’s Bawana: دہلی کے بوانا میں خوف ناک آتشزدگی،دل دہلا دینے والا دینے والا ویڈیو آیا سامنے

پکنک پر جا رہے تھے لوگ

پولیس ذرائع نے بتایا ہے کہ حادثہ بدھ کی صبح تقریباً 5 بجے آسام کے گولاگھاٹ ضلع کے ڈیرگاؤں کے قریب پیش آیا۔ بس میں سوار تمام 45 افراد پکنک منانے جا رہے تھے۔ انہیں تنسوکیا میں تلنگا مندر جانا تھا لیکن راستے میں ڈیراگاؤں میں بس سامنے سے آنے والے ٹرک سے ٹکرا گئی۔ دونوں گاڑیوں کی رفتار بہت زیادہ تھی جس کے باعث بس کا اگلا حصہ بری طرح ٹوٹ گیا اور اندر بیٹھے 14 افراد موقع پر ہی جاں بحق ہوگئے۔

مقامی لوگوں نے بڑھایا مدد کا ہاتھ

زور دار تصادم کے فوراً بعد مقامی لوگوں کی بڑی تعداد موقع پر پہنچ گئی۔ پولیس کے پہنچنے سے پہلے ہی مقامی لوگوں نے ٹکر سے بس کے اندر سے خون بہہ جانے والوں کی چیخیں سن کر انہیں باہر نکالنا شروع کر دیا۔ پولیس ٹیم بھی موقع پر پہنچ گئی۔ اس کے بعد خون میں لت پت 41 لوگوں کو باہر نکال کر قریبی جورہاٹ میڈیکل کالج میں داخل کرایا گیا۔ یہاں ڈاکٹر نے 14 لوگوں کو مردہ قرار دیا، باقی 27 لوگوں کا علاج جاری ہے۔

کوئلے سے لدے ٹرک سے تصادم

ایک پولیس افسر نے بتایا کہ بس سے سفر کرنے والے لوگ صبح 3 بجے روانہ ہوئے تھے۔ ڈیرگاؤں کے قریب جس ٹرک سے بس ٹکرائی وہ مارگریٹا سے آرہا تھا اور اس میں کوئلہ لدا ہوا تھا۔ پولیس نے واقعے کی تفتیش شروع کردی ہے۔ حادثے کے وقت گھنی دھند تھی۔

-بھارت ایکسپریس