Uttar Pradesh Politics: بلڈوزر تنازع پر یوگی آدتیہ ناتھ نے اکھلیش یادو پر کیا طنز

اتر پردیش کی سیاست میں ان دنوں بلڈوزر بحث وتنازع کا  موضوع بنی ہوئی ہے ۔ سماج وادی پارٹی کے قومی صدر اور قنوج سے رکن پارلیمنٹ اکھلیش یادو نے گورکھپور میں کہا تھا کہ اگر 2027 میں حکومت بدلتی ہے تو بلڈوزر گورکھپور کی طرف ہوں گے۔ اب اس پر سی ایم یوگی آدتیہ ناتھ نے دیا سخت  جواب ہے۔ یوپی کے سی ایم یوگی آدتیہ ناتھ نے کہا کہ صرف وہی بلڈوزر چلا سکتا ہے، بلڈوزر چلانے کے لئے دل و دماغ کی ضرورت ہوتی ہے۔

ایس پی صدر اکھلیش یادو نے کہا تھا کہ سال 2027 میں سماج وادی پارٹی کی حکومت بنتے ہی پوری ریاست کے بلڈوزر گورکھپور کی طرف ہوں گے۔ منگل کو ریاستی پارٹی ہیڈکوارٹر میں گورکھپور کی پارٹی تنظیم کے کام کاج کا جائزہ لیتے ہوئے اکھلیش  یادونے پارٹی کارکنوں سے خطاب کرتے ہوئے کہا تھا کہ بی جے پی حکومت بے قصور لوگوں پر تشدد کررہی ہے۔ کسان پریشان ہیں۔ نوجوانوں کا مستقبل تاریک ہے۔

اکھلیش نے  اٹھائے  تھے یہ سوالات

انہوں نے پارٹی کارکنوں سے کہا تھا کہ وہ ان بوتھ پر پارٹی کو مضبوط کرنے کے لئے کام کریں جہاں لوک سبھا انتخابات میں ایس پی کو شکست ہوئی تھی۔ وہاں کارکنان پارٹی کو مضبوط کرنے کا کام کریں،اس بوتھ پر جس سماج کے زیادہ لوگ رہتے ہیں، وہاں   ایس پی کے اہم عہدیداروں اور لیڈروں کو لے جائیں۔

اکھلیش  یادونے کہا تھا کہ سماج وادی حکومت کے دوران جو ترقی ہوئی ہے اس سے ریاست کے عوام واقف ہیں۔ جب سے بی جے پی کی حکومت آئی ہے، ریاست ہر سطح پر پیچھے رہی ہے۔ عوام مہنگائی اور کرپشن کا شکار ہیں۔ اکھلیش  یادو نے کہا تھا کہ بی جے پی کی سیاست کو ناکارہ بنانے میں پی ڈی اے ایک طاقتور ثابت ہوئی ہے۔ آئین اور ریزرویشن کے معاملے کو مزید آگے بڑھانا ہوگا۔ سماجی انصاف کے لیے مردم شماری ضروری ہے۔ ان مسائل کو لے کر سماج وادی پارٹی عوام کے درمیان جا رہی ہے۔

بھارت ایکسپریس