CM Yogi Adityanath: یوگی آدتیہ ناتھ نے گووند بلبھ پنت کا  ریکارڈ توڑدیا ، اتر پردیش کے سب سے لمبی مدت  کار والے وزیر اعلیٰ بن گئے

اتر پردیش کے مقبول ترین  وزیر اعلیٰ یوگی آدتیہ ناتھ نے ایک نیا ریکارڈ قائم کیا ہے۔ سی ایم یوگی، اتر پردیش کی وزارت اعلیٰ کی کرسی پر سب سے زیادہ وقت تک رہنے والے رہنما بن گئے ہیں۔ انہوں نے ریاست کے سابق وزیر اعلیٰ گووند بلبھ پنت کا ریکارڈ توڑ دیا ہے۔

یوگی آدتیہ ناتھ کا دورِ اقتدار 8 سال 132 دن کا ہو چکا ہے، جب کہ گووند بلبھ پنت کا دورِ اقتدار 8 سال 127 دن کا تھا، جس میں آزادی سے پہلے کا ان کا دور بھی شامل ہے۔

گووند بلبھ پنت یوپی کے پہلے وزیر اعلیٰ تھے
آپ کو بتا دیں کہ گووند بلبھ پنت برٹش انڈیا میں یوپی کے پہلے وزیر اعلیٰ تھے۔ انہوں نے 17 جولائی 1937 سے 2 نومبر 1939 تک اتر پردیش کی کمان سنبھالی، اور بعد میں 15 اگست 1947 سے 27 مئی 1954 تک دوبارہ وزیر اعلیٰ رہے۔

یوگی آدتیہ ناتھ نے 19 مارچ 2017 کو وزیر اعلیٰ کے عہدے کا حلف لیا
اتر پردیش کے وزیر اعلیٰ یوگی آدتیہ ناتھ نے 19 مارچ 2017 کو پہلی بار وزیر اعلیٰ کا حلف لیا۔ 2022 کے اسمبلی انتخابات میں انہوں نے مسلسل دوسری بار کامیابی حاصل کی اور دوبارہ وزیر اعلیٰ بنے۔ اب اگلا اسمبلی انتخاب 2027 میں ہونا ہے۔

بال یوگی سے وزیر اعلیٰ یوگی تک کا سفر
یوگی آدتیہ ناتھ اتر پردیش کے 22ویں وزیر اعلیٰ ہیں۔ وہ صرف 26 سال کی عمر میں گورکھپور سے رکنِ پارلیمان منتخب ہوئے تھے، اس طرح وہ سب سے کم عمر ارکانِ پارلیمان میں شامل ہو گئے۔ بی جے پی لیڈر ہونے کے ساتھ ساتھ، یوگی آدتیہ ناتھ گورکھپور کے گورکھ ناتھ مٹھ کے مہنت بھی ہیں۔ وہ یوپی کے پہلے ایسے وزیر اعلیٰ ہیں ،جنہوں نے ایک مکمل مدت پوری کرنے کے بعد دوبارہ اسی عہدے پر واپسی کی۔

مسلسل پانچ بار رکنِ پارلیمان بنے
یوگی آدتیہ ناتھ نے گورکھپور سے مسلسل پانچ بار لوک سبھا انتخابات میں کامیابی حاصل کی۔ 2017 کے اسمبلی انتخابات کے دوران وہ بی جے پی کے سب سے نمایاں اور بااثر چہروں میں سے ایک تھے۔ اسی الیکشن میں پارٹی کو مکمل اکثریت ملی اور 19 مارچ 2017 کو یوگی آدتیہ ناتھ نے وزیر اعلیٰ کا حلف اٹھایا۔

بھارت ایکسپریس اردو