Ajmer Lok Sabha Elections:اجمیر میں ایک بار پھر ووٹنگ ہوگی! دوبارہ پولنگ 2 مئی کو ہوگی

راجستھان میں لوک سبھا انتخابات 2024 کے لیے تمام سیٹوں پر ووٹنگ 26 اپریل کو ہی ختم ہو گئی۔ قابل ذکر بات یہ ہے کہ یہاں ایک سیٹ ایسی ہے، جہاں 2 مئی کو دوبارہ ووٹنگ ہوگی۔ یہ اجمیر لوک سبھا سیٹ ہے، جہاں الیکشن کمیشن نے ایک بار پھر ووٹنگ کرانے کا فیصلہ کیا ہے۔ دراصل بتایا جا رہا ہے کہ ایک بڑی گڑبڑ ی کی وجہ سے الیکشن کمیشن کو یہاں دوبارہ پولنگ کرانی پڑی ہے۔

قابل ذکر بار ت یہ ہے کہ اجمیر لوک سبھا حلقہ کے ناندسی گاؤں کے ایک پولنگ بوتھ سے پولنگ اسٹیشن 195 کا رجسٹر غائب ہو گیا ہے۔ چیف الیکٹورل آفیسر پراوین گپتا نے بتایا کہ ووٹنگ کے دوسرے مرحلے کے بعد جب کارکن ای وی ایم جمع کرنے جارہے تھے تو اس بوتھ سے متعلق کاغذات اور اشیاء گم ہوگئیں۔ یہی وجہ ہے کہ یہاں دوبارہ انتخابات ہوں گے۔

دوبارہ پولنگ 2 مئی کو ہوگی

پروین گپتا نے بتایا کہ الیکشن کمیشن کی ہدایات کے مطابق یہاں دوبارہ پولنگ کی تیاریاں کی گئی ہیں۔ اس بوتھ پر ووٹروں کی کل تعداد 753 ہے۔ اب یہاں 2 مئی  کو صبح 7.00 بجے سے شام 5.00 بجے تک ووٹ ڈالے جائیں گے۔ پولنگ بوتھ صرف گورنمنٹ ہائر سیکنڈری اسکول، ناندری کے کمرہ نمبر 1 میں ہوگا۔

چیف الیکٹورل آفیسر نے کہا کہ 17-A رجسٹر پریذائیڈنگ آفیسر نے کھو دیا ہے۔ پروین گپتا نے کہا کہ اجمیر کے ریٹرننگ آفس نے اس سلسلے میں پولنگ ٹیم کے خلاف کارروائی کی ہے۔

راجستھان لوک سبھا انتخابات دو مرحلوں میں ہوئے تھے

معلومات  کے مطابق راجستھان میں لوک سبھا کی کل 25 سیٹوں کے لیے دو مرحلوں میں ووٹنگ مکمل ہوئی۔ پہلے مرحلے میں 12 سیٹوں پر 19 اپریل کو ووٹنگ ہوئی۔ ساتھ ہی 26 اپریل کو 13 سیٹوں پر ووٹنگ مکمل ہوئی۔

بھارت ایکسپریس