Rajnath Singh: لندن میں راہل گاندھی کے بیان  پر پارلیمنٹ میں ہنگامہ، راج ناتھ سنگھ نے کہا ’’راہل معافی مانگے…‘‘

Rajnath Singh:  لندن میں کانگریس لیڈر راہل گاندھی کے بیان پر پارلیمنٹ میں کافی ہنگامہ ہوا اور اس دوران وزیر دفاع راج ناتھ سنگھ نے لوک سبھا میں کہا کہ اسی ایوان کے رکن راہل گاندھی نے لندن میں ہندوستان کی توہین کی۔ میں مطالبہ کرتا ہوں کہ ان کے بیانات کی اس ایوان کے تمام اراکین کی طرف سے مذمت کی جائے اور انہیں ایوان کے سامنے معافی مانگنے کو کہا جائے۔ اس کے ساتھ ہی راجیہ سبھا میں قائد ایوان پیوش گوئل نے بھی راہل گاندھی کو نشانہ بنایا۔ ہنگامہ آرائی کے بعد دونوں ایوانوں کی کارروائی دوپہر دو بجے تک ملتوی کر دی گئی۔

گری راج سنگھ نے کیا کہا؟

مرکزی وزیر گری راج سنگھ نے بھی راہل گاندھی کو نشانہ بنایا۔ انہوں نے کہا، ‘لندن میں راہل گاندھی نے کہا کہ ممبران پارلیمنٹ کو پارلیمنٹ میں بولنے کی اجازت نہیں ہے۔ یہ لوک سبھا کی توہین ہے۔ اس بیان پر ایوان کے اسپیکر کو ان کے خلاف کارروائی کرنی چاہیے۔ ہماری جمہوریت کی توہین کرنے پر ان کے خلاف بغاوت کا مقدمہ درج کیا جائے۔

ہنگامہ آرائی کے باعث کارروائی دوپہر 2 بجے تک ملتوی کر دی گئی

ہنگامہ آرائی کے باعث لوک سبھا اور راجیہ سبھا کی کارروائی دوپہر دو بجے تک ملتوی کر دی گئی۔ اب دونوں ایوانوں میں دو بجے دوبارہ کارروائی شروع ہوگی۔