Rahul Gandhi: یوپی میں  ملی راحت، لیکن جھارکھنڈ ہائی کورٹ نے راہل گاندھی کو دیا جھٹکا، جانیں کیا پورا معاملہ ؟

Rahul Gandhi: کانگریس لیڈر راہل گاندھی کو جھارکھنڈ ہائی کورٹ سے بی جے پی کے اس وقت کے قومی صدر امت شاہ پر کیے گئے تبصروں سے متعلق ایک معاملے میں جھٹکا لگا ہے۔ 20 فروری کو جسٹس  Ambuj Nath کی عدالت نے راہل گاندھی کی درخواست کو مسترد کر دیا جس میں انہوں نے اس معاملے میں ان کے خلاف درج شکایت کا نوٹس لیتے ہوئے رانچی سول کورٹ کو چیلنج کیا تھا۔

راہل گاندھی نے ہائی کورٹ سے اس کیس کو منسوخ کرنے کی درخواست کی تھی۔ یہ معاملہ سال 2018 میں کانگریس کے اجلاس میں اس وقت کے قومی صدر امت شاہ کے خلاف راہل گاندھی کے قابل اعتراض ریمارکس سے متعلق ہے۔

معافی نہ مانگنے پر درج ہوا مقدمہ

اس تبصرے کو قابل اعتراض تبصرہ بتاتے ہوئے کانگریس کے سابق قومی صدر راہل گاندھی کے خلاف بی جے پی لیڈر نوین جھا کی جانب سے رانچی سول کورٹ میں شکایت درج کرائی گئی۔ اس سے پہلے نوین جھا نے ایک قانونی نوٹس دے کر راہل گاندھی سے امت شاہ کے خلاف اپنے ریمارکس پر معافی مانگنے کو کہا تھا۔ معافی نہ مانگے پر انہوں نے رانچی سول کورٹ میں شکایت درج کرائی، جس پر عدالت نے نوٹس لیا۔

راہل گاندھی کو یوپی میں بھی اسی طرح کے کیس میں ہوئی تھی  پیشی

موجودہ مرکزی وزیر داخلہ امت شاہ کے خلاف قابل اعتراض ریمارکس کے ایک اور معاملے میں کانگریس لیڈر راہل گاندھی منگل کو سلطان پور ضلع کے ایم پی-ایم ایل اے عدالت میں پیش ہوئے۔ عدالت نے اس معاملے میں انہیں ضمانت دے دی۔ ایم پی ایم ایل اے اسپیشل کورٹ کے مجسٹریٹ یوگیش کمار یادو نے کانگریس لیڈر کی ضمانت کی درخواست قبول کرلی۔

دوسرے کیس میں ضمانت منظور

وکیل کاشی پرساد شکلا نے کہا کہ راہل گاندھی ایم پی-ایم ایل اے عدالت کے جج یوگیش یادو کے سامنے پیش ہوئے اور ‘بیل بانڈ’ بھرنے کے بعد ضمانت  مل گی ۔ تقریباً 15 منٹ تک عدالت میں رہنے کے بعد راہل گاندھی عدالت سے نکل گئے۔ کیس کی اگلی سماعت 2 مارچ کو ہوگی۔ کوتوالی دیہات تھانے کے ہنومان گنج کے رہنے والے ڈسٹرکٹ کوآپریٹیو بینک کے سابق صدر وجے مشرا نے 4 اگست 2018 کو راہل گاندھی کے خلاف عدالت میں شکایت درج کرائی تھی۔

وجے مشرا نے الزام لگایا کہ 15 جولائی 2018 کو کرناٹک کی راجدھانی بنگلورو میں راہل گاندھی نے مرکزی وزیر داخلہ امت شاہ کے خلاف قابل اعتراض تبصرہ کیا تھا جس سے انہیں تکلیف ہوئی تھی۔

بھارت ایکسپریس