Prime Minister Narendra Modi paid tribute to Shyama Prasad Mukherjee on his birth anniversary: وزیر اعظم نریندر مودی نے شیاما پرساد مکھرجی کی جینتی پر خراج عقیدت پیش کیا، بی جے پی کے قومی صدر جے پی نڈا نے بھی کیا نمن

عظیم ماہرِ تعلیم، پُرجوش قوم پرست مفکر اور بھارتی جن سنگھ کے بانی، ڈاکٹر شیاما پرساد مکھرجی کے یومِ شہادت پر وزیر اعظم نریندر مودی، بی جے پی کے قومی صدر جے پی نڈا سمیت دیگر شخصیات نے خراجِ عقیدت پیش کی۔ وزیر اعظم مودی نے سوشل میڈیا پلیٹ فارم ایکس پر ایک پوسٹ شیئر کی، جس میں انہوں نے ڈاکٹر مکھرجی کی قوم کی تعمیر میں دی گئی خدمات کو یاد کرتے ہوئے کہا:

“ڈاکٹر شیاما پرساد مکھرجی کو اُن کے یومِ شہادت پر کروڑوں بار نمن۔ انہوں نے ملک کی سالمیت کو قائم رکھنے کے لیے بے مثال حوصلہ اور عزم کا مظاہرہ کیا۔ قوم کی تعمیر میں ان کا انمول تعاون ہمیشہ عقیدت سے یاد رکھا جائے گا۔”

ڈاکٹر شیاما پرساد مکھرجی: ثقافتی قوم پرستی کے علمبردار

بی جے پی کے قومی صدر جے پی نڈا نے ڈاکٹر مکھرجی کو ثقافتی قوم پرستی کا علمبردار قرار دیتے ہوئے لکھا:

“بھارت کی یکجہتی، سالمیت اور خودداری کے لیے اپنا سب کچھ نچھاور کرنے والے، ماں بھارتی کے عظیم فرزند، ثقافتی قوم پرستی کے علمبردار، محترم ڈاکٹر شیاما پرساد مکھرجی کے یومِ شہادت پر میں انہیں دل کی گہرائیوں سے نمن کرتا ہوں۔
محترم ڈاکٹر مکھرجی نے جموں و کشمیر اور مغربی بنگال کو بھارت کا اٹوٹ حصہ بنائے رکھنے کے لیے فکری اور سیاسی جدوجہد جاری رکھی۔ انہوں نے جن سنگھ کے قیام کے ذریعے قوم پرستی کا ایک نیا نظریہ پیش کیا، جو آج بھی قومی خدمت اور بھارت کے عروج کی راہ میں ہم سب کے لیے مشعلِ راہ ہے۔”

ڈاکٹر مکھرجی کی زندگی قربانی، تپسیا اور قوم پرستی کی داستان

مرکزی وزیر شیوراج سنگھ چوہان نے ڈاکٹر مکھرجی کی زندگی کو قربانی، تپسیا (ریاضت) اور وطن سے محبت کی ناقابلِ فراموش داستان قرار دیتے ہوئے لکھا:

“ماں بھارتی کے عظیم سپوت، بھارت کی یکجہتی اور سالمیت کے لیے اپنی زندگی نچھاور کرنے والے، بھارتی جن سنگھ کے بانی، یکتا ماہرِ تعلیم اور پُرجوش قوم پرست، محترم ڈاکٹر شیاما پرساد مکھرجی کے یومِ شہادت پر میں انہیں کروڑوں بار نمن کرتا ہوں۔
ڈاکٹر مکھرجی کی زندگی ایثار، ریاضت اور بے مثال حب الوطنی کی ایک سنہری داستان ہے۔ آج جب ہم ‘ایک بھارت، شریشٹھ بھارت’ کے خواب کی طرف بڑھ رہے ہیں، تو ہر قدم پر اُن کی یاد ہمیں طاقت، ترغیب اور رہنمائی فراہم کرتی ہے۔ ایسے عظیم قومی رہنما کو بار بار سلام۔”

بھارت ایکسپریس اردو