سیاست

Dispute Over Rahul Gandhi Poster: یوپی میں کانگریس دفتر کے باہر راہل گاندھی کے رام کے پوسٹر نے سیاسی گلیاروں میں مچا دی ہلچل

لکھنؤ — اتر پردیش کی راجدھانی لکھنؤ میں دسہرے کے موقع پر کانگریس دفتر کے باہر لگے ایک انوکھے اور متنازع پوسٹر نے سیاسی گلیاروں میں ہلچل مچا دی ہے۔ یہ پوسٹر کانگریس کارکن آریان مشرا کی جانب سے لگایا گیا، جس میں پارٹی کے سینئر رہنما راہل گاندھی کو “بھگوان رام” کے طور پر دکھایا گیا ہے۔

پوسٹر میں راہل گاندھی کو ہاتھ میں تیر کمان لیے ہوئے راون پر نشانہ سادھتے ہوئے دکھایا گیا ہے۔ خاص بات یہ ہے کہ راون کے دس سروں پر موجودہ سیاسی و سماجی مسائل درج کیے گئے ہیں، جن میں “مہنگائی، جنگل راج، بدعنوانی، ای ڈی، ووٹ چوری، الیکشن کمیشن، سی بی آئی، بے روزگاری، پیپر لیک، اور تاناشاہی” جیسے الفاظ شامل ہیں۔

کانگریس دفتر کے باہر پوسٹر بن گیا تنازع کا سبب

پوسٹر میں کانگریس کے ریاستی صدر اجے رائے کو “لکشمن” کے روپ میں دکھایا گیا ہے، جو راہل گاندھی کے ساتھ کھڑے نظر آتے ہیں۔ پارٹی کارکنوں کا کہنا ہے کہ یہ پوسٹر علامتی طور پر بی جے پی حکومت کی پالیسیوں کے خلاف عوامی غصے کی عکاسی کرتا ہے۔ جس طرح بھگوان رام نے راون کا ودھ کرکے “دھرم کی جیت” یقینی بنائی تھی، ویسے ہی کانگریس عوامی مسائل کو ختم کرکے تبدیلی لے کر آئے گی۔

راہل گاندھی کو بتایا گیا  “آج کا رام”

پوسٹر لگانے والے آریان مشرا نے کہا کہ “راہل گاندھی ہی آج کے اصلی رام ہیں”، جو مہنگائی، بے روزگاری اور سیاسی تاناشاہی جیسے راون سے لڑ رہے ہیں۔ ان کے مطابق کانگریس ہی واحد طاقت ہے، جو موجودہ “سیاسی  تاناشاہی” کو ختم کر سکتی ہے۔

مذہبی علامتوں کا سیاسی استعمال، اپوزیشن میں گونج

دسہرے جیسے مذہبی تہوار پر ایسے سیاسی پوسٹر لگانے کو لے کر مخالف جماعتوں کی جانب سے شدید ردعمل آنے کے امکانات ہیں۔ قابل ذکر بات یہ ہے کہ کانگریس حامیوں کا کہنا ہے کہ اس قسم کے علامتی پوسٹر عوام تک سیدھا پیغام پہنچاتے ہیں اور پارٹی کے نظریے کو مضبوطی سے پیش کرتے ہیں۔

لکھنؤ میں لگا یہ پوسٹر جہاں مذہب اور سیاست کے امتزاج کی ایک مثال بنا، وہیں کانگریس کی جارحانہ حکمت عملی اور راہل گاندھی کے سیاسی نظریے کو بھی عوام کے سامنے واضح کرتا دکھائی دیا ہے۔

سیاسی منظرنامے پر اثر

چونکہ انتخابات قریب ہیں، اس طرح کی سیاسی منظر نہ صرف پارٹی کی موجودگی کو نمایاں کرتی ہیں، بلکہ بی جے پی کے خلاف کھل کر محاذ آرائی کا بھی اشارہ دیتی ہیں۔ کانگریس کے اس جارحانہ انداز نے ایک بار پھر راہل گاندھی کو مرکزِ بحث میں لا کھڑا کیا ہے — اس بار بطور “سیاسی رام”۔

بھارت ایکسپریس اردو

Abu Danish Rehman

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

5 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

7 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

7 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

7 hours ago