Vibrant Gujarat Global Summit 2024:وزیر اعظم نے اگلے 25 سالوں میں ہندوستان کو ایک ترقی یافتہ ملک بنانے کا ہدف مقرر کیا ہے

Vibrant Gujarat Global Summit 2024: وزیر اعظم نریندر مودی نے 10 جنوری کو وائبرینٹ گجرات گلوبل سمٹ سے خطاب کرتے ہوئے سب کو نئے سال کی مبارکباد دی۔ وزیر اعظم نے اگلے 25 سالوں میں ہندوستان کو ایک ترقی یافتہ ملک بنانے کا ہدف مقرر کیا ہے۔ انہوں نے کہا کہ ہندوستان کی آزادی کے 75 سال مکمل ہو چکے ہیں۔ اب ہندوستان اگلے 25 سال کی تیاری کر رہا ہے۔ پی ایم مودی نے کہا کہ ہمارا مقصد ہندوستان کو اپنی آزادی کے 100 سال مکمل ہونے تک ایک ترقی یافتہ ملک بنانا ہے۔

پی ایم مودی نے کہا کہ وائبرینٹ گجرات سمٹ اقتصادی ترقی اور سرمایہ کاری کے لیے ایک عالمی پلیٹ فارم بن گیا ہے۔ ہندوستان اور متحدہ عرب امارات نے فوڈ پارکس کی ترقی، قابل تجدید توانائی میں تعاون اور صحت کی دیکھ بھال میں سرمایہ کاری کے لیے کئی معاہدوں پر دستخط کیے ہیں۔ انہوں نے کہا کہ متحدہ عرب امارات کی کمپنیوں نے ہندوستان کے بندرگاہ کے بنیادی ڈھانچے کے لئے اربوں ڈالر کی سرمایہ کاری کرنے پراتفاق کیا ہے۔ ہندوستان اور متحدہ عرب امارات نے تعلقات کو نئی بلندیوں تک پہنچایا ہے۔
پی ایم مودی نے یو اے ای کے صدر کو اپنا بھائی کہا

اپنے خطاب میں وزیر اعظم نے کہا کہ ہم نے اگلے 25 سالوں میں ہندوستان کو ایک ترقی یافتہ ملک بنانے کا ہدف مقرر کیا ہے۔ انہوں نے ہندوستان اور متحدہ عرب امارات کے تعلقات کے مظبوط ہونے کا سہرا متحدہ عرب امارات (یو اے ای) کے صدر شیخ محمد بن زید النہیان کو دیا۔ پی ایم نے کہا کہ ہندوستان تیزی سے بدلتے ہوئے عالمی نظام میں ایک عالمی دوست کے طور پر آگے بڑھ رہا ہے۔

دلچسپ بات یہ ہے کہ پی ایم مودی نے یو اے ای کے صدر کو بھائی کہا۔ انہوں نے کہا کہ یہ ان کے لیے اعزاز کی بات ہے کہ نہیان کا ہندوستان آیا۔ گجرات سمٹ میں پی ایم مودی نے کہا کہ تمام بڑی ریٹنگ ایجنسیوں کی رائے ہے کہ ہندوستان اگلے چند سالوں میں دنیا کی تین بڑی معیشتوں میں سے ایک ہو جائے گا۔ انہوں نے کہا کہ دنیا ہندوستان کو عالمی معیشت میں استحکام کے ایک اہم ستون اور ترقی کے انجن کے طور پر دیکھتی ہے۔

ہندوستان دنیا میں اعتماد کی کرن بن کر ابھرا ہے – پی ایم مودی

پی ایم مودی نے کہا کہ آج ہندوستان دنیا کی پانچویں سب سے بڑی معیشت ہے۔جب کہ 10 سال پہلے ہندوستان 11 ویں نمبر پر تھا۔ آج دنیا کی ہربڑی ریٹنگ ایجنسی کا اندازہ ہے کہ ہندوستان اگلے چند سالوں میں دنیا کی ٹاپ 3 معیشت بن جائے گا۔ انہوں نے کہا کہ ایک ایسے وقت میں جب دنیا کئی غیر یقینی صورتحال میں گھری ہوئی ہے۔ تب ہندوستان دنیا میں اعتماد کی ایک نئی کرن بن کر ابھرا ہے۔

لوگوں سے خطاب کرتے ہوئے وزیراعظم نے دنیا میں بدلتے ہوئے عالمی نظام کے بارے میں بات کی۔ وزیراعظم نے کہا کہ آج ہندوستان تیزی سے بدلتے ہوئے عالمی نظام میں وشوامتر کے کردار میں آگے بڑھ رہا ہے۔ ہندوستان نے دنیا کو یہ اعتماد دلایا ہے کہ ہم مشترکہ اہداف طے کر سکتے ہیں اور اپنے مقاصد حاصل کرسکتے ہیں۔ ہندوستان کی وابستگی، وفاداری، کوششیں اورعالمی بہبود کے لیے سخت محنت آج کی دنیا کو زیادہ محفوظ اور خوشحال بنا رہی ہے۔

بھارت ایکسپریس