وزیراعظم نریندر مودی پانچ ممالک کے دورے کے آخری مرحلے میں نامیبیا پہنچے، جہاں وِنڈہوک کے ایئرپورٹ پر لینڈ کرنے کے بعد ان کا شاندار استقبال کیا گیا۔ وزیراعظم مودی صدر نیتمبو نندی-ندیتواہ کے دعوت پر نامیبیا کے ایک روزہ سرکاری دورے پر ہیں۔ یہ وزیراعظم مودی کا پہلا دورۂ نامیبیا ہے، اور بھارت کے کسی وزیراعظم کا نامیبیا کا تیسرا دورہ ہے۔
وزیراعظم نریندر مودی بدھ کے روز اپنے پانچ ملکی دورے کے آخری مرحلے میں نامیبیا پہنچے۔ یہ 27 سالوں میں کسی بھارتی وزیراعظم کا پہلا دورۂ نامیبیا ہے اور بھارت-نامیبیا تعلقات میں ایک تاریخی سنگ میل ہے۔ یہ دورہ بھارت کے گلوبل ساؤتھ کے ساتھ تعلقات کو مضبوط بنانے اور تجارت، توانائی، دفاع، معدنی وسائل اور ڈیجیٹل انفراسٹرکچر میں تعاون کو فروغ دینے پر مرکوز ہے۔
صدر ڈاکٹر نیتمبو نندی-ندیتواہ کی دعوت پر ہوشیا کٹا کو بین الاقوامی ہوائی اڈے پر صبح 10:00 بجے (بھارتی وقت کے مطابق) وزیراعظم مودی کا رسمی استقبال کیا گیا گا۔ یہاں ان کا استقبال 21 توپوں کی سلامی کے ساتھ کیا گیا۔
اس کے بعد 10:45 سے 10:55 بجے تک اسٹیٹ گیسٹ ہاؤس میں استقبالیہ تقریب ہوگی۔ دوپہر 2:30 سے 3:45 بجے تک اسٹیٹ ہاؤس میں صدر نیتمبو نندی-ندیتواہ کے ساتھ دو طرفہ مذاکرات ہوں گے، جن میں تجارت، تعلیم، صحت، ماحولیات اور اطلاعاتی ٹیکنالوجی جیسے شعبوں میں معاہدوں پر دستخط ہوں گے۔
شام 5:00 سے 5:20 بجے تک وزیراعظم مودی “ہیروز ایکر” میں نامیبیا کے بانی اور پہلے صدر ڈاکٹر سیم نجوما کو خراجِ عقیدت پیش کریں گے۔ اس کے بعد 5:35 سے 6:50 بجے تک صدر کی جانب سے دیے گئے عشائیے میں شرکت کریں گے۔ رات 8:50 سے 9:30 بجے تک وہ نامیبیا کی پارلیمنٹ کے مشترکہ اجلاس سے خطاب کریں گے، جس میں بھارت-نامیبیا تعلقات اور گلوبل ساؤتھ کی مشترکہ ترجیحات پر زور دیا جائے گا۔ رات 11:25 بجے وہ دہلی کے لیے روانہ ہوں گے۔
یہ دورہ بھارت کی افریقہ پالیسی اور آنے والے “انڈیا-افریقہ فورم سمٹ” کے لیے نہایت اہم ہے۔ نامیبیا کے یورینیم، ہیرے، کوبالٹ اور نایاب معدنیات بھارت کی صاف توانائی اور ٹیکنالوجی کی ضروریات کے لیے اسٹریٹجک اہمیت رکھتے ہیں۔ بھارت کے UPI سسٹم کو نامیبیا میں نافذ کرنے پر بھی اتفاق رائے ہوگا۔ یہ دورہ بھارت کی عالمی سفارت کاری اور گلوبل ساؤتھ میں قیادت کو مزید مضبوط کرے گا۔
بھارت ایکسپریس اردو
جیو پلیٹ فارمز لمیٹڈ کے آئی پی او میں بولی لگانے کی آخری تاریخ 23…
فضائی مظاہرے میں شامل ’پرچنڈ فارمیشن‘ نے بھارتی فضائیہ کی جنگی صلاحیت، تیاری اور درست…
شلوک کی تشریح کے مطابق، جو لوگ اس عارضی دنیا اور جسمانی شناخت کو ہی…
ان پوسٹروں میں راکٹ سائنس دان چیان شوسن، جوہری طبیعیات کے ماہر ڈینگ جیاشیان، زرعی…
ان انتخابات کے ووٹوں کی گنتی 27 اکتوبر کو کی جائے گی۔ اسی دن یہ…
وائی ایس آر کانگریس نے سوشل میڈیا پلیٹ فارم ایکس پر الزام لگایا کہ آندھرا…