PM Modi In Bihar: پی ایم مودی نے 13 ہزار کروڑ کے ترقیاتی منصوبوں کا افتتاح اور سنگ بنیاد رکھا

پی ایم نریندر مودی بہار کے ایک روزہ دورے پر گیا جی پہنچے، جہاں ان کا شاندار استقبال کیا گیا۔ پی ایم  گیا جی میں پروگرام میں شرکت کے بعد بیگوسرائے جائیں گے، جہاں ایشیا کے سب سے بڑے سِکس لین پُل کا افتتاح کریں گے، اور وہاں سے پٹنہ پہنچ کر مغربی بنگال کے لیے روانہ ہوں گے۔پی ایم  نریندر مودی آج بہار کے دورے پر ہیں۔ وہ گیا جی پہنچ چکے ہیں۔ پی ایم مودی یہاں 13,000 کروڑ روپے کی مختلف ترقیاتی منصوبوں کا افتتاح اور سنگ بنیاد رکھنے آئے ہیں۔ وہ ایک عوامی جلسے سے بھی خطاب کریں گے۔ بہار کے انتخابات سے پہلے پی ایم مودی کا یہ دورہ این ڈی اے کے لیے بہت اہم مانا جا رہا ہے۔

بہار کے وزیر اعلیٰ نتیش کمار نے کہا، “آج پی ایم یہاں سے ریاست بھر میں بجلی، سڑک اور شہری ترقی سے جڑی 14 منصوبوں کا افتتاح اور سنگ بنیاد رکھ رہے ہیں، دو ٹرینوں کو بھی ہری جھنڈی دکھا رہے ہیں۔ ان سب کی لاگت 13 ہزار کروڑ روپے سے زائد ہے، ان تمام سے بہار کو بہت فائدہ پہنچے گا۔””24 نومبر 2005 کو جب این ڈی اے کی حکومت بہار میں اقتدار میں آئی تو ہم نے کام شروع کیا، لیکن پچھلی حکومت نے کچھ کام نہیں کیا تھا… آج تعلیم، صحت، سڑک، بجلی، سبھی شعبوں میں تیزی سے ترقی ہو رہی ہے… اس کے علاوہ حال ہی میں کچھ اور کام کیے گئے ہیں، نئے فیصلے لیے گئے ہیں جیسے بوڑھوں، معذوروں اور بیوہ خواتین کے لیے پنشن کی رقم 400 روپے سے بڑھا کر 1100 روپے کر دی گئی ہے۔” — نتیش کمار

مرکزی وزیر جیتن رام مانجھی نے وزیر اعظم نریندر مودی کا گیا جی پہنچنے پر استقبال اور اعزاز کیا۔پی ایم نریندر مودی کا گیا جی میں اسٹیج پر پُرجوش استقبال کیا گیا۔ اس پروگرام میں گورنر عارف محمد خان اور وزیر اعلیٰ نتیش کمار بھی موجود تھے۔وزیر اعظم نریندر مودی جمعہ کو گیا جی پہنچے۔ یہاں وہ 13,000 کروڑ روپے کی مختلف ترقیاتی منصوبوں کا افتتاح اور سنگ بنیاد رکھیں گے۔ یہ منصوبے بجلی، سڑک، صحت، شہری ترقی اور پانی کی فراہمی جیسے کئی شعبوں سے جڑے ہوئے ہیں۔

پی ایم مودی گنگا ندی پر بنے اونٹا–سمریا پُل کا افتتاح کریں گے۔ یہ پُل شمالی اور جنوبی بہار کے درمیان بہتر رابطہ فراہم کرے گا۔ اس کے شروع ہونے کے بعد بھاری گاڑیوں کو 100 کلومیٹر سے زائد کا چکر نہیں لگانا پڑے گا اور سمریا دھام تک پہنچنا بھی آسان ہوگا۔اسی کے ساتھ پی ایم گیا جی سے دہلی کے درمیان “امرت بھارت ایکسپریس” اور ویشالی سے کوڈرما کے درمیان “بودھ سرکٹ ٹرین” کو بھی ہری جھنڈی دکھائیں گے۔ بہار کے نائب وزیر اعلیٰ سمرات چودھری حال ہی میں گیا جی پہنچے تھے اور انہوں نے پروگرام کی تیاریوں کا جائزہ لیا تھا۔

بھارت ایکسپریس اردو