India’s Prime Minister Narendra Modi: ٹرمپ، پوتن اور شی جن پنگ کو شکست دے کر پی ایم مودی نے پھر  رقم کی تاریخ ، 78 فیصد ریٹنگ کے ساتھ دنیا کے مقبول ترین لیڈر بنے

ہندوستان کے وزیر اعظم نریندر مودی نہ صرف ملک میں بلکہ عالمی سطح پر بھی اپنی مقبولیت کے نئے ریکارڈ بنا رہے ہیں۔ بین الاقوامی سروے ایجنسی مارننگ کنسلٹ کی حالیہ رپورٹ کے مطابق پی ایم مودی 78 فیصد اپروول ریٹنگ کے ساتھ دنیا کے سب سے پسندیدہ لیڈر بنے ہوئے ہیں۔ انہوں نے امریکی صدر ڈونلڈ ٹرمپ، چینی صدر شی جن پنگ، روسی صدر ولادیمیر پوتن اور اسرائیلی وزیر اعظم بنجمن نیتن یاہو جیسے تجربہ کار رہنماؤں کو بھی پیچھے چھوڑا ہے۔

پی ایم مودی کی مقبولیت میں کوئی کمی نہیں آئی ہے

یہ رپورٹ ایسے وقت میں سامنے آئی ہے جب وزیر اعظم مودی مسلسل 11 سال اقتدار میں ہیں اور اب اپنے 12ویں سال کی طرف بڑھ رہے ہیں۔ اتنے طویل عرصے کے باوجود ان کی مقبولیت میں کوئی کمی نہیں آئی ہے، بلکہ وہ عالمی سطح پر مزید مضبوط ہو کر ابھرے ہیں۔

آپریشن سندورکے بعد بھی مقبولیت مضبوط

حال ہی میں بھارت اور پاکستان کے درمیان چار دن تک محدود فوجی جھڑپ ہوئی جسے ‘آپریشن سندور’ کا نام دیا گیا۔ اس اپروول ریٹنگ، جو اس آپریشن کے 48 دن بعد آئی ہے، صاف ظاہر کرتی ہے کہ اس تنازعے کا مودی کی مقبولیت پر کوئی منفی اثر نہیں پڑا۔

اپوزیشن نے الزام لگایا تھا کہ وزیر اعظم مودی نے جنگ بندی کا اعلان امریکہ کے کہنے پر کیا، لیکن اس جھوٹے بیانیے (جھوٹے پروپیگنڈے) کو امریکی سروے نے یکسر مسترد کر دیا۔ رپورٹ کے مطابق مودی کا عالمی امیج پہلے سے زیادہ مضبوط اور فیصلہ کن ہے۔

کس لیڈر کو کتنی ریٹنگ ملی؟

نریندر مودی 78 فیصد

ڈونلڈ ٹرمپ 41 فیصد

شہباز شریف 32 فیصد

ژی جن پنگ 20 فیصد

ولادیمیر پوتن 11 فیصد

اسی دوران لوئی انسٹی ٹیوٹ 2025 کے سروے میں جب لوگوں سے پوچھا گیا کہ آپ دنیا میں ذمہ داری سے کام کرنے کے لیے امریکہ پر کتنا اعتماد کرتے ہیں تو جواب میں صرف 36 فیصد نے امریکہ کی حمایت کی۔ جب یہی سوال بھارت کے تناظر میں پوچھا گیا تو 54 فیصد لوگوں کی رائے تھی کہ بھارت دنیا میں ذمہ داری سے کام کر کے اپنا کردار ادا کر سکتا ہے۔ دوسری جانب صرف 20فیصد لوگوں نے چین کی حمایت کی اور صرف 11فیصد لوگوں نے دنیا میں ذمہ داری سے کام کرنے میں روس کی حمایت کی۔

پی ایم مودی کی قیادت میں ہندوستان عالمی سطح پر مضبوط ہوا ہے

ان اعداد و شمار سے واضح ہے کہ ہندوستان کو اب ایک قابل اعتماد اور متوازن عالمی طاقت کے طور پر دیکھا جا رہا ہے۔ مودی کی قیادت میں جہاں بھارت نے سفارت کاری، سلامتی اور ترقی کے میدان میں توازن برقرار رکھا ہے، وہیں اس نے بین الاقوامی فورمز پر بھی اپنی مضبوط موجودگی درج کرائی ہے۔

بھارت ایکسپریس اردو