Lok Sabha Election Results 2024: مجھے مہاراشٹر کے لوگوں پر فخر ہے، کل دہلی میں ہوگی انڈیا الائنس کی میٹنگ : شرد پوار

لوک سبھا الیکشن کے نتائج 2024 کے مکمل نتائج ابھی سامنے نہیں آئے ہیں، لیکن سیاسی ہلچل تیز ہوگئی ہے۔ اپوزیشن لیڈر شرد پوار نےیہ اطلاع فراہم کی ہے کہ کل دہلی میں انڈیا الائنس کی میٹنگ ہوگی۔ شرد پوار نے یہ بھی کہا کہ انہوں نے ابھی تک چندرابابو نائیڈو، نتیش کمار یا کسی دیگر سے بات  چیت نہیں کی ہے۔شرد  پوار نے کہا کہ اس انتخابی نتیجہ نے ملک کی تصویر بھی بدل دی ہے۔ اس میں مہاراشٹر کا بڑا رول ہے۔ اس کے لیے مجھے مہاراشٹر کے لوگوں پر فخر ہے۔ انہوں نے یہ بھی کہا کہ اگر انڈیا الائنس ملک کے مفاد میں کچھ قدم اٹھا رہے ہیں تو ہم مہاراشٹر وکاس اگھاڑی کے ذریعے اجتماعی تعاون میں سب سے آگے ہوں گے۔

شرد پوار نے کہا کہ اگرچہ لوک سبھا انتخابات کے تمام نتائج ابھی تک نہیں آئے ہیں۔ لیکن یہ واضح ہے کہ مہاراشٹر نے نتائج کو تبدیلی کی سمت ایک نیا رخ دیا ہے۔ انڈین نیشنل کانگریس، شیو سینا (یو بی ٹی) اور نیشنلسٹ کانگریس پارٹی (شرد چندر پوار) نے مشترکہ طور پر عوام کے سامنے اپنا رول  پیش کیا۔

شرد پوار نے یہ بھی کہا کہ چھترپتی شیواجی مہاراج کے نظریات کو سامنے رکھتے ہوئے انہوں نے شاہو پھولے امبیڈکر کے ترقی پسند نظریات کو آگے بڑھانے اور جمہوری اقدار کی حفاظت میں اہم رول ادا کیا ہے۔

انہوں نے کہا کہ آدھاڑی ذات پات اور مذہب کے تنازعات سے آگے بڑھ کر روزگار اور مہنگائی جیسے روزمرہ کے مسائل کو حل کرنے کے لیے پرعزم ہے۔ انہوں نے مہاراشٹر کے لوگوں کا ایم وی اے پر اعتماد کرنے کے لیے بھی شکریہ ادا کیا۔

بھارت ایکسپریس