Maharashtra Politics: بی جی پی لیڈر آشیش شیلر کے نشانے پر  ایکناتھ شندے، حکومت کے پروجیکٹ پر اٹھائے سوال، بی ایم سی کمشنر کو خط لکھ کر تحقیقا ت کا کیا مطالبہ

مہاراشٹر میں اتوار 15 دسمبر کو دیویندر فڑنویس کی کابینہ کی توسیع کی جائے گی۔ کابینہ میں توسیع سے قبل ممبئی بی جے پی کے سربراہ ایم ایل اے آشیش شیلر نے سابق سی ایم ایکناتھ شندے حکومت پر ایک بڑا الزام لگایا ہے ،جس کی وجہ سے مہاراشٹر کی سیاست گرم ہوگئی ہے۔ آشیش شیلر نے ایکناتھ شندے حکومت کے دور میں شروع کیے گئے ایک پروجیکٹ پر سوال اٹھائے ہیں اور بی ایم سی کمشنر کو خط لکھا ہے۔

آپ کو بتاتے چلیں کہ آشیش شیلر کی طرف سے بی ایم سی کمشنر بھوشن گگرانی کو لکھے گئے خط میں انہوں نے ایکناتھ شندے حکومت کے دور میں 6,000 کروڑ روپے کے روڈ سیمنٹنگ پروجیکٹ میں ناقص معیار کے میٹریل کے استعمال کا الزام لگاتے ہوئے تحقیقات کا مطالبہ کیا ہے۔

انہوں نے لکھا، “میں ممبئی میں گزشتہ سال سے شروع ہونے والے 6000 روپے کے سیمنٹ کنکریٹ کے کاموں اور چھوٹے سڑکوں کو کنکریٹ کرنے کے جاری کاموں کے سلسلے میں لکھ رہا ہوں۔ بدھ کو اپنے اسمبلی حلقے کے سانتا کروز ویسٹ علاقے میں سڑک کے معائنہ کے دوران میں نے دیکھا کہ وہاں حال ہی میں تعمیر کی گئی کنکریٹ کی سڑکوں میں دراڑیں پڑ رہی ہیں اور حال ہی میں شروع کیے گئے کام بھی ٹھیک سے نہیں ہو رہے ہیں۔

آشیش شیلر نے تحقیقات کا مطالبہ کیا

آشیش شیلر نے مزید لکھا، “ناقص معیار کے کام اور کنکریٹنگ کے ناقص کاموں کی کئی شکایات کے بعد، میں مطالبہ کرتا ہوں کہ کئے گئے کام کے معیار کے پہلوؤں کی چھان بین کے لیے ایک خصوصی تحقیقاتی ٹیم تشکیل دی جائے۔ ساتھ ہی کنکریٹ کے 40 فیصد سڑک کے پیچوں کا  آئی ٹی بمبئی ، وی جے ٹی آئی کے ماہرین سمیت ایک تفصیلی آڈٹ کرایا جائے۔”

“کوالٹی کنٹرول، چوکسی کے عمل اور ٹھیکیدار کے کام میں کسی بھی قسم کی کوتاہی کی تحقیقات کی جانی چاہئیں۔ تحقیقات کی بنیاد پر سڑک کے غلط ٹھیکیداروں کے خلاف سخت کارروائی کی جائے، جس میں غفلت برتنے والے اداروں، اہلکاروں کے خلاف جرمانے اور بلیک لسٹ میں  کارروائی  کی جائے جائے۔

بھارت ایکسھریس