سیاست

LPG Price Hike: بجٹ سے قبل مہنگائی کا جھٹکا، ایل پی جی سلنڈر کی قیمت میں اضافہ

LPG Price Hike: فروری کے پہلے دن اور بجٹ سے چند گھنٹے قبل ہی مہنگائی کا کرنٹ لگاہے۔ ایل پی جی سلنڈر کی قیمت میں اضافہ  ہوگیا ہےاور آئل مارکیٹنگ کمپنیوں نے آج یکم فروری سے ایل پی جی سلنڈر کی قیمت میں اضافہ کردیا ہے۔ یہ اضافہ 19 کلو کمرشل سلنڈر کی قیمت میں کیا گیا ہے۔ گھریلو  رسوئی  والی گیس یعنی سبسڈی والے 14 کلو ایل پی جی سلنڈر کی قیمت میں کوئی تبدیلی نہیں کی گئی ہے۔

جانئے آپ کے شہر میں ایل پی جی کی نئی قیمتیں کیا ہیں

آج سے راجدھانی دہلی میں ایل پی جی سلنڈر کی قیمت 14 روپے فی سلنڈر بڑھ کر 1769.50 روپے فی سلنڈر ہوگئی ہے۔کولکتہ میں ایل پی جی سلنڈر کی قیمت 18 روپے بڑھ کر 1887 روپے ہو گئی ہے۔ممبئی میں ایل پی جی سلنڈر کی قیمت 15 روپے بڑھ کر 1723.50 روپے فی سلنڈر ہو گئی ہے۔چنئی میں 19 کلو کے کمرشل ایل پی جی سلنڈر کی قیمت 12.50 روپے بڑھ کر 1937 روپے فی سلنڈر ہو گئی ہے۔

یکم جنوری کو 19 کلو گیس کی قیمتوں میں کمی کی گئی تھی

سرکاری تیل کمپنیوں نے یکم جنوری 2024 کو 19 کلو کمرشل سلنڈر کی قیمت میں کمی کی تھی۔ گزشتہ ماہ ایل پی جی سلنڈر کی قیمت میں کمی انتہائی معمولی تھی۔ ملک کے مختلف شہروں میں جنوری میں 19 کلو کے کمرشل ایل پی جی سلنڈر کی قیمت میں صرف ڈیڑھ روپے کی کمی ہوئی تھی۔ جنوری میں بھی 14 کلو گھریلو ایل پی جی سلنڈر کی قیمت میں کوئی تبدیلی نہیں کی گئی۔ گھریلو ایل پی جی کی قیمت میں آخری تبدیلی 30 اگست 2023 کو کی گئی تھی۔

عبوری بجٹ آج پیش کیا جائے گا

ملک کے لوک سبھا انتخابات سے پہلے مودی حکومت کی دوسری میعاد کا آخری بجٹ آج پیش کیا جائے گا اور وزیر خزانہ نرملا سیتا رمن اسے صبح 11 بجے پارلیمنٹ میں پیش کریں گی۔ قبل از انتخابات بجٹ ہونے کی وجہ سے یہ عبوری بجٹ ہو گا اور اس میں آنے والے چند ماہ کی حکومتی آمدنی اور اخراجات کے حسابات پیش کیے جائیں گے۔ چونکہ یہ انتخابات سے عین قبل بجٹ ہے، اس لیے مرکز کی مودی حکومت سماج کے ہر طبقے کی خواہشات کو پورا کرنے کی کوشش کر سکتی ہے۔

بھارت ایکسپریس

Abu Danish Rehman

Recent Posts

Muharram 2024: شیعہ پرسنل لا بورڈ نے وژزیر اعظم مودی کو لکھا خط، محرم کے جلوسوں کو لے کر کیا یہ بڑا مطالبہ

خط میں وزیر اعظم  مودی سے اپیل کرتے ہوئے کہا گیا کہ جیسا کہ آپ…

7 hours ago

NEET Paper Leak: نیٹ پیپر لیک معاملہ کے تحت سی بی آئی بیور جیل پہنچی، 13 ملزمین کو روبر بٹھاکر کئے سوالات

سی بی آئی کی پوچھ گچھ کے دوران، تقریباً سبھی ملزمین نے سنجیو کمار عرف…

8 hours ago

PM Modi On Ravindra Jadeja Retirement: رویندر جڈیجہ کی ریٹائرمنٹ پر وزیر اعظم مودی نے کیا ٹویٹ، کہا- آپ…

رویندر جڈیجہ نے انسٹاگرام پر پوسٹ کرکے اپنی ریٹائرمنٹ کی معلومات دی تھی۔ اس پوسٹ…

10 hours ago