سیاست

Iran Israel war impact: اسرائیلی معیشت مکمل طور پر مفلوج ، کیا ایران سے جنگ کر کے کہیں اسرائیل نے بڑی غلطی تو نہیں کردی؟

اسرائیل نے اپنے ایٹمی پروگرام کو روکنے کے لیے جس طاقت سے ایران پر حملہ کیا ہے، اس کے بعد مغربی ایشیا میں ایک بڑے بحران کی آہٹ سنائی دے رہی ہے۔ ایران کے کئی اعلیٰ جرنیلوں اور ان کے سائنسدانوں کو اسرائیل نے ہلاک  کیا ہے۔
اس کی اہم تنصیبات پر حملے کیے گئے ہیں۔ اس کے بعد اب ایران اسرائیل کے دارالحکومت تل ابیب پر ہائپر سونک میزائلوں سے حملہ کرکے تباہی مچا رہا ہے۔
مہر خبررساں ایجنسی کی رپورٹ پر کے مطابق، صہیونی اخبار یدیعوت آحارونوت نے اعتراف کیا ہے کہ ایران کے وسیع پیمانے پر میزائل حملوں کے نتیجے میں اسرائیل کی معیشت تقریباً مکمل طور پر مفلوج ہو چکی ہے، اور اب تک 12 ہزار سے زائد افراد نے مالی نقصانات کے ازالے کے لیے درخواستیں جمع کروائی ہیں۔

یعنی دونوں طرف سے جاری شدید جنگ کے درمیان اسرائیل کو بھی بھاری قیمت چکانی پڑ رہی ہے۔ اسرائیل کے دفاعی بجٹ میں بے پناہ اضافہ کیا گیا ہے۔ غزہ میں تباہی مچا کر حماس کو مکمل طور پر تباہ کرنے والے اسرائیل کو گزشتہ سال کے آخر یعنی 2024 تک تقریباً 67.5 بلین ڈالر (250 بلین شیکل) خرچ کرنے پڑے ہیں۔

اسرائیل کا دفاعی بجٹ دو سال میں دوگنا ہو گیا

اسرائیل اپنے دفاعی بجٹ پر کس طرح خرچ کر رہا ہے اس کا اندازہ بھی اس اعداد و شمار سے لگایا جا سکتا ہے۔ اسرائیل جس کا دفاعی بجٹ دو سال پہلے یعنی 2023 میں 60 بلین تھا، اب ٹھیک دو سال بعد بڑھ کر 118 بلین ہو گیا ہے۔ دو محاذوں پر غزہ اور اس کےساتھ اب ایران کے ساتھ جنگ ​​نے اسرائیل کی معیشت کو ہلا کر رکھ دیا ہے۔ ایسے میں سوال یہ پیدا ہوتا ہے کہ کیا اس نے کوئی بڑی غلطی کردی ہے ؟

قابل ذکر بات یہ ہے کہ ایران کے ساتھ جنگ ​​میں اسرائیل کی معیشت کو بہت زیادہ نقصان پہنچا ہے، کیونکہ لاکھوں لوگ بے روزگار ہو چکے ہیں۔ کارخانے بند اور دکانوں کے شٹر پر تالے لگ گئے ہیں۔ اسرائیل کی وزارت خزانہ کے مطابق حکومت کو ہر ایک لاکھ ریزرو فوج پر 7 کروڑ بطور تنخواہ خرچ کرنے پڑتے ہیں۔ اطلاعات کے مطابق اسرائیل کو غزہ کے ساتھ جنگ ​​میں روزانہ 20 کروڑ کا نقصان ہو رہا ہے۔

رپورٹ میں یہ بھی کہا گیا ہے

ایک رپورٹ کے مطابق اسرائیل کو ایران کے ساتھ جنگ ​​کے پہلے 48 گھنٹوں میں 1.45 بلین ڈالر یا 5.5 بلین خرچ کرنا پڑا ہے۔ رپورٹ میں یہ بھی کہا گیا ہے کہ ایران کے خلاف لڑاکا طیاروں کے ایندھن اور گولہ بارود پر روزانہ تقریباً 300 ملین ڈالر خرچ ہو رہے ہیں۔

ایسے میں فیڈریشن آف اسرائیل چیمبرز آف کامرس کے صدر شاچار ترجمن نے اسرائیل کو ایران کے ساتھ جنگ ​​کے بارے میں خبردار کیا ہے۔ ان کا کہنا ہے کہ اگر یہ جنگ نہ رکی تو نہ صرف اسرائیل میں بڑے پیمانے بے روز گاری   ہونے کی توقع ہے،  اس وجہ  سےمشکلات میں مزید اضافہ ہوگا۔

بھارت ایکسپریس اردو

Abu Danish Rehman

Recent Posts

National Press Day: آزادیٔ اظہار کے ساتھ ذمہ داری بھی ضروری، صحافی تکنیکی تبدیلیوں کو اپنائیں: اشونی ویشنو

مرکزی وزیر اطلاعات و نشریات اشونی ویشنو نے جمہوریت کو مضبوط بنانے میں میڈیا کے…

6 hours ago

Adani Green Energy On Tarali Project: تارالی پمپ اسٹوریج پروجیکٹ پر اڈانی گرین انرجی نے واضح کی صورت حال، بتایا کب ملی کون سی منظوری

اڈانی گرین انرجی لمیٹڈ نے کہا ہے کہ تارالی پمپ اسٹوریج پروجیکٹ میں نہ تو…

6 hours ago

8th Pay Commission: کیا ریٹائرڈ ملازمین کو بھی ملے گا بقایا جات کا فائدہ؟ پنشنروں نے وزیر اعظم مودی کو خط لکھ کر کیا مطالبہ

آٹھویں پے کمیشن کے تحت یکم جنوری 2026 سے پہلے ریٹائر ہونے والے پنشنروں اور…

6 hours ago